Now Reading:
Xədicə İsmayılın məhkəməsinin vaxtı bəlli oldu
Full Article 50 second read

Xədicə İsmayılın məhkəməsinin vaxtı bəlli oldu



AzadlıqRadiosunun əməkdaşı, araşdırmaçı jurnalist Xədicə İsmayılın kassasiya şikayəti üzrə məhkəmənin vaxtı bəlli olub. Şikayətə Ali Məhkəmədə mayın 25-də baxılacaq. Bu barədə AzadlıqRadiosuna vəkil Fəxrəddin Mehdiyev məlumat verib.

Jurnalistin şikayətinə Əli Seyfəliyevin sədrlik etdiyi hakimlər kollegiyası baxacaq. Məhkəmədə Xədicə İsmayılın özünün də iştirakı gözlənilir. O, iki dəfə Ali Məhkəməyə məktubla müraciət edərək, prosesdə iştirak arzusunu ifadə edib.

Xədicə İsmayıl 2014-cü il dekabrın 5-də həbs olunub. Jurnalist mənimsəmə, qanunsuz sahibkarlıq, vergidən yayınma, vəzifədən sui-istifadə kimi ittihamlarla 7 il 6 ay azadlıqdan məhrum edilib. Sonradan Bakı Apellyasiya Məhkəməsi də Bakı Ağır Cinayətlər Məhkəməsinin bu hökmünü qüvvədə saxlayıb. Apellyasiya məhkəməsinin qərarından Ali Məhkəməyə kassasiya şikayəti verilib.

Xədicə İsmayıl ittihamları rədd edir və jurnalist fəaliyyətinə, özəlliklə, hökumətin korrupsiyası, prezident ailəsinin gizli biznesi barədə araşdırma yazılarına görə cəzalandırıldığını bildirir.

“Amnesty İnternational” beynəlxalq insan haqları təşkilatı Xədicə İsmayılı “vicdan məhbusu” elan edib.

Bir cavab yazın

24SAAT.ORG Xəbər Saytı
Azərbaycan və Dünyadan Xəbərlər
[mc4wp_form id=""]
Input your search keywords and press Enter.
%d bloqqer bunu bəyənir: