Now Reading:
Xədicə haqda videoçarx hazırlandı
Full Article 50 second read

Xədicə haqda videoçarx hazırlandı

 
24SAAT.org
Facebook Qrupu · 1.976 üzv
Qrupa üzv ol
Qrupumuza üzv olun və ən son paylaşımlardan dərhal xəbər tutun!
 

Vətəndaş cəmiyyəti təmsilçilərinin birləşdiyi Sivil Toplum Platforması – STP hazırda həbsdə olan Azadlıq Radiosunun əməkdaşı Xədicə İsmayılın doğum günü münasibətilə videoçarx hazırlayıb.

Videoçarxda STP üzvləri “Xədicə İsmayıl niyə azadlıqda olmalıdır” sualına cavab verirlər. Onlar Xədicə İsmayılın azad söz və müstəqil mətbuat uğrunda mübarizə apardığını bildirirlər.

Xədicə İsmayıl 2014-cü il dekabrın 5-də həbs olunub.Jurnalist mənimsəmə, qanunsuz sahibkarlıq, vergidən yayınma, vəzifə səlahiyyətlərindən sui-istifadə kimi ittihamlarla 7 il 6 ay azadlıqdan məhrum edilib. Bakı Apellyasiya Məhkəməsi də bu hökmü qüvvədə saxlayıb. Apellyasiya Məhkəməsinin bu qərarından kassasiya şikayəti verilib və həmin şikayətə mayın 25-də saat 14.30-da Ali Məhkəmədə hakim Əli Seyfəliyevin sədrliyilə baxılacaq.

Xədicə İsmayıl ittihamları rədd edir və jurnalist fəaliyyətinə, özəlliklə, prezident və ailəsinin gizli biznesi barədə araşdırma yazılarına görə cəzalandırıldığını bildirir.

“Amnesty İnternational” beynəlxalq insan haqları təşkilatı Xədicəni “vicdan məhbusu” elan edib.

Xədicə İsmayılın mayın 27-də 40 yaşı tamam olur. Ad günündən iki gün öncə Ali Məhkəmə onun kassasiya şikayətinə baxmalıdır.

Bir cavab yazın

This site uses Akismet to reduce spam. Learn how your comment data is processed.

24SAAT.ORG Xəbər Saytı
Azərbaycan və Dünyadan Xəbərlər
Input your search keywords and press Enter.