Now Reading:
Siyasi fəal: ‘İranda işlər necə olacaq, qabaqcadan demək olmaz’
Full Article 2 minutes read


“Amma təbiidir ki, dünyada elə ölkələr var insanların azadlığına dəyər verirlər, dəstək verirlər. Bu dəstək mənəvi baxımdan olarsa, çox gözəldir. Başqa cür olarsa, ümid edək ki, məzlum, aclıqdan, yoxsulluqdan və ya başqa səbəbdən etiraz edən içəridəki insanların cəzalandırılmasına bəhanə verməyəcək”.

“Bu gün İranda nə baş verir?” Bu sualı AzadlıqRadiosu-na müsahibədə İran azərbaycanlısı, siyasi fəal Abbas Lisani cavablandırır.

– Bir sıra səbəblər, embarqolar və sanksiyalar ucbatından illərdir İranda vəziyyət ağırlaşıb, kütlənin durumu günü-gündən pisləşib. Təqribən ilyarımdır, iki ilə yaxındır ki, bəzi kəsimlərin, malını itirmiş insanların, banklara borcu olanların və başqalarının müəyyən etirazları səslənirdi. Amma son günlərdə etirazlar aksiyalara çevrildi, hadisələrin Məşhəddən başlandığını deyə bilərik. Bu baş verənlərlə bağlı müxtəlif təhlillər və baxışlar var. Baxışlardan biri budur ki, etirazlar cinahi-rəqabət, cinahlar arasındakı rəqabət nəticəsində baş verdi, yəni cinahlardan biri millətin iqtisadi, ağır durumunu səbəb götürüb aksiyalar keçirilməsini istədilər. Hər halda bunu başlayanlar özləri olsa da, davam etməsi öz əllərində olmadı. Hadisələr kontroldan çıxaraq İranın müxtəlif şəhər və bölgələrinə sıçradı. Təbii ki, ilk baxışda bu sıçrayış iqtisadi gərginliyin təsiri altında oldu. Amma siyasi səbəblərin, narazılıqların da təsiri var. Məsələyə müxtəlif yönlərdən baxmaq olar. Hər halda, mən indiki durumda detallara getmək istəmirəm. Ancaq onu demək istəyirəm ki, etirazların, aksiyaların davam etməsinə etnik millətlərin yaşadığı yerlərdə bir az soyuq yanaşıldı. Xaricdə olan müxalifət bu millətlərin potensialından yararlanmaq istəyirdi. Məsələn, Güney Azərbaycanda buna çox soyuq yanaşıldı.

Bir cavab yazın

This site uses Akismet to reduce spam. Learn how your comment data is processed.

24SAAT.ORG Xəbər Saytı
Azərbaycan və Dünyadan Xəbərlər
[mc4wp_form id=""]
Input your search keywords and press Enter.