Now Reading:
Şəmkirin icra başçısının milyonluq əmlakı — SİYAHI – FOTO
Full Article 2 minutes read


Azərbaycanda qanunla qadağan olunmasına baxmayaraq, bir çox dövlət məmurlarının biznes və kommersiya obyektlərinə sahib olmaları heç kimə sirr deyil. Bu sırada bəzi icra başçılarının da adlarını vurğulamaq olar.

Hazırda paytaxt rayonlarının icra başçılarından hər hansının restorana, şirkətə və digər böyük obyektlərə sahib olmamamalarını təsəvvür etmək mümkün deyil. Doğrudur, həmin əmlakvə şirkətlər sənəd üzərində “onlara məxsus deyil” kimi göstərilir. Ancaq Azərbaycan elə də böyük ölkə olmadığı üçün hər kəsin bir çox məsələdən xəbəri olur.

Dekabrın 5-də Prezident İlham Əliyevin sərəncamı ilə vergilər naziri Fazil Məmmədov tutduğu vəzifədən azad ediləndən sonra sabiq nazirin himayə etdiyi Binəqədi rayon İcra Hakimiyyətinin başçısı Xaləddin İsgəndərov və Şəmkir Rayon İcra Hakimiyyətinin başçısı Alimpaşa Məmmədovla bağlı araşdırmalar da gündəmə gəlib.

Sözügedən şəxslərin hər biri Fazil Məmmədovun nazir olduğu dövrdə vergi sistemində yüksək vəzifələrə təyin olunublar. Şübhəsiz ki, bu şəxslər həmin dövrlərdə öz səltənətlərini qurmağa başlayıblar.

Ölkə.az saytı yazır ki, hazırda Şəmkirə başçılıq edən Alimpaşa Məmmədov sabiq nazir Fazil Məmmədovun ən “etibarlı” adamlarından biri olduğu üçün Vergilər Nazirliyinin Bakı şəhər Vergilər Departamentinin rəisi vəzifəsində işləyib. Vergilər Departamentinin rəisi olduğu dövrdə Alimpaşa Məmmədov Bakı şəhərində böyük biznes şəbəkəsi qurmağa nail olub.

Sayt qeyd edir ki, Alimpaşa Məmmədovun Bakı şəhəri, Babək prospekti 37c ünvanında bir hektarlıq ərazidə yerləşən bahalı obyektləri də həmin biznes şəbəkəsinə daxildir. Bunların siyahısında “Best Cars” adlı lüks avtomobillərin satış salonu, “Continental” təkərlərinin satış yeri, “Alpina” lüks avtomobillərin ehtiyyat hissələrinin satış mərkəzi, “Euromax” avtoservis avadanlıqlarının satış yeri, “Volkswagen Group” ehtiyyat hissələri satış yeri və plastik qapı-pəncərə istehsalı sexi var. Bu obyektlərin işçiləri ilə söhbət zamanı bildirildi ki, hazırda həmin obyektlərin bəziləri Alimpaşa Məmmədov tərəfindən icarəyə verilib.

Bir cavab yazın

This site uses Akismet to reduce spam. Learn how your comment data is processed.

24SAAT.ORG Xəbər Saytı
Azərbaycan və Dünyadan Xəbərlər
[mc4wp_form id=""]
Input your search keywords and press Enter.