Now Reading:
Qarabağdakı döyüşlərin 4 SƏBƏBİ: Putinin adamı BÜTÜN SİRLƏRİ AÇDI
Full Article 1 minutes read

Qarabağdakı döyüşlərin 4 SƏBƏBİ: Putinin adamı BÜTÜN SİRLƏRİ AÇDI

 
24SAAT.org
Facebook Qrupu · 1.976 üzv
Qrupa üzv ol
Qrupumuza üzv olun və ən son paylaşımlardan dərhal xəbər tutun!
 

“Dağlıq Qarabağda gərginliyə səbəb olan hücumu Ermənistan tərəfi etdi. Biz mənzərəni tam aydınlaşdıra bilməsək də, erməni hərbi nümayəndələrinin bəyanatları hücumun onlar tərəfindən edildiyini göstərdi”.

Publika.az xəbər verir ki, bu barədə Rusiya prezidentinin səlahiyyətli nümayəndəsi, İctimai Palatanın üzvü, politoloq Sergey Markov deyib.


S.Markov Ermənistanın hücuma keçməsinin 4 səbəbini və əsas planını açıqlayıb.

Onun sözlərinə görə, İrəvan “aprel müharibəsi”ndə azad olunmuş əraziləri qaytarmağa çalışır: “Birinci hədəf müdafiə xəttinin birliyini gücləndirmək, ikinci hədəf isə Ermənistan prezidentinin son zamanlar düşən nüfuzunu artırmaqdır. Sarkisyan “kiçik qalibiyyətlə” buna nail olmaq istəyir. Bundan başqa, müharibə İrəvana münaqişə tərəflərinə təklif edilmiş həll düsturundan yayınmağa imkan verir”.

S.Markov əlavə edib ki, təklif edilən həll düsturunda Qarabağ ətrafındakı ərazilərin Azərbaycana qaytarılması nəzərdə tutulur: “Aydındır ki, müharibə İrəvana “müharibə gedirsə, biz necə mübadilə aparaq?!” deməyə imkan yaradır”.

Kremlə yaxın politoloq 25 fevral hücumunun daha bir səbəbinin olduğunu vurğulayıb.

“Uzun müddət Ermənistan ordusunun Azərbaycan Ordusundan güclü olduğu haqda danışılırdı. Lakin “aprel müharibəsi” bunun belə olmadığını göstərdi. Hesab edirəm ki, erməni ordusunun döyüş ruhunun qaldırılması, erməni xalqında orduya inamın artırılması bu hücumun əsas səbəblərindən biridir”, – deyə o bildirib.

Bir cavab yazın

This site uses Akismet to reduce spam. Learn how your comment data is processed.

24SAAT.ORG Xəbər Saytı
Azərbaycan və Dünyadan Xəbərlər
Input your search keywords and press Enter.