Now Reading:
Prezident seçkilərinə rəsmi hazırlığa fevralın 10-da start verilə bilər
Full Article 40 second read


Mərkəzi Seçki Komissiyası (MSK) bir həftədən gec olmayaraq, növbədənkənar prezident seçkiləri ilə bağlı qərar verəcək.

Oxu.Az-ın xəbərinə görə, Seçki Məcəlləsinin 179-cu (Növbədənkənar Prezident seçkilərinin keçirilməsi) maddəsinə əsasən, növbədənkənar prezident seçkiləri ilə bağlı qərar qəbul edildiyi gündən başlayaraq, bir həftədən gec olmayaraq seçkilər MSK tərəfindən çərşənbə gününə təyin edilir və iki ay ərzində keçirilir.

Bu baxımdan, Azərbaycanda Prezident seçkilərinə rəsmi hazırlığa seçki gününə 60 gün qalmış, yəni, fevralın 10-da start verilə bilər.

Qeyd edək ki, prezident İlham Əliyev “Növbədənkənar Azərbaycan Respublikası Prezidenti seçkilərinin elan edilməsi haqqında” sərəncam imzalayıb. Sərəncamla Mərkəzi Seçki Komissiyasına (MSK) növbədənkənar Azərbaycan Respublikası Prezidenti seçkilərinin 2018-ci il aprelin 11-nə təyin olunmasını və Azərbaycan Respublikasının Seçki Məcəlləsində müəyyən edilmiş qaydada keçirilməsini təmin etmək tapşırılıb.

Bir cavab yazın

This site uses Akismet to reduce spam. Learn how your comment data is processed.

24SAAT.ORG Xəbər Saytı
Azərbaycan və Dünyadan Xəbərlər
[mc4wp_form id=""]
Input your search keywords and press Enter.