Now Reading:
Növbədənkənar parlament seçkiləri ilə bağlı DEPUTATLARDAN AÇIQLAMA
Full Article 2 minutes read

Artıq sosial şəbəklərdə bu ilin payızında, konkret olaraq oktyabr ayında Azərbaycanda növbədənkənar parlament seçkilərinin keçiriləcəyi ilə bağlı müzakirələr getməkdədir.

 
24SAAT.org
Facebook Qrupu · 1.976 üzv
Qrupa üzv ol
Qrupumuza üzv olun və ən son paylaşımlardan dərhal xəbər tutun!
 

Bir müddət öncə həm mediada, həm sosial şəbəkələrdə bu yöndə məlumatlar və müzakirələr getsə də, hakim Yeni Azərbaycan Partiyasının (YAP) yetkili şəxsləri tərəfindən bu məsələ təkzib olunmuşdu.

Bu mövzunun yenidən gündəmə gəlməsi növbədənkənar parlament seçkilərinin olacağı ehtimalını artırır.

YAP-dan olan millət vəkili Aydın Mirzəzadə Oxu.Az-a açıqlamasında yayılan məlumatlardan və gedən müzakirələrdən xəbərsiz olduğunu deyib.

“Milli Məclis fəaliyyət göstərir. Deputatlar iş başındadır. Odur ki, bu məsələdən məlumatsızam”, – deyə millət vəkili əlavə edib.

Ancaq adının cəkilməsini istəməyən başqa bir iqtidaryönlü millət vəkili növbədənkənar  parlament seçkiləri məsələsini istisna etməyib:

“Azərbaycanda növbədənkənar parlament seçkilərinin keçirilməsi gözləniləndir və istisna deyil.

Amma bunun dəqiq vaxtı ilə bağlı hələlik bir şey söyləmək mümkün deyil.

Bununla belə, növbədənkənar seçkilər məsələsi ortadadır və bundan qaçmaq mümkün deyil”.

Qeyd edək ki, mövcud qanunvericiliyə əsasən, Azərbaycanda növbəti – 6-cı çağırış parlament seçkiləri 2020-ci ilin payızında olacaq.

Ancaq onu da qeyd edək ki, prezident seçkilərinin oktyabrdan aprelə çəkilməsi ölkədə növbədənkənar parlament seçkilərinin keçirilə biləcəyi məsələsini də gündəmə gətirib.

****

“Erkən parlament seçkilərinin keçiriləcəyi barədə heç bir məlumatım yoxdur”.

APA-nın xəbərinə görə, bunu baş nazirin müavini, YAP-ın icra katibi Əli Əhmədov deyib.

Ə. Əhmədov “Bildiyimə görə, parlament seçkiləri 2020-ci ildə keçiriləcək”, – deyə bildirib.

Bir cavab yazın

This site uses Akismet to reduce spam. Learn how your comment data is processed.

24SAAT.ORG Xəbər Saytı
Azərbaycan və Dünyadan Xəbərlər
Input your search keywords and press Enter.