Now Reading:
BP, neft dövrünün 20 ilə başa çatacağını bəyan etdi
Full Article 2 minutes read


Böyük Britaniyanın enerji şirkəti British Petroleum (BP) qlobal neft tələbinin 2030-cu illərin sonuna doğru ən yüksək səviyyəsinə çatacağını bildirib. Sonrakı illərdə neftə təlabat azalmağa başlayacaqdır.

“Marja” xəbər verir ki, BP-nin “Enerji Mənzərəsi” hesabatında, əsasən sürətli inkişaf edən iqtisadiyyatlar hesabına bir müddət neftə tələbatın qalacğı, eyni zamanda, elektrikli avtomobillərin yaxın 20 ildə nəqliyyatda inqilab yaratmasının gözləndiyini bildirilir.

Hesabatda, hazırda bütün dünyada elektrikli avtomobillərin sayının 3 milyon ədəd olduğu, bu rəqəmin 2040-ci ildə 300 milyona çatmasının gözlənildiyi qeyd edilib.

AVTOMOBİL SAHİBİ OLMAQ İSTƏYƏNLƏR AZALACAQ

Sonrakı dövrdə dünyada Uber-ə bənzər taksi xidməti göstərən sürücüsüz maşınların birgə istifadəsinin artacağı, bunun da avtomobillərə olan tələbatı azaldacağı bildirilib. Daha çox insan avtomobilə sahib olmaq yerinə, avtomobildən ortaq şəkildə istifadə olunacaqdır.

Hesabatda elektrikli vasitələrin 2040-cı ildə qədər bütün dünyadakı avtomobillərin 15%-ini təşkil edəcəyi qeyd edilib, bu nisbətin sərnişindaşımada 30%-ə çatacağının gözlənildiyi vurğulanıb.
AVTOMOBİLLƏR 18,7 MİLYON BAREL NEFT İSTEHLAK EDİR

Elektrikli vasitələrin artmasına baxmayaraq, 2016-ci ildə benzinlə işləyən avtomobillərin gündəlik 18,7 milyon barellik neft istehlak etdiyi, bunun 2040-cı ilə qədər, demək olar ki, eyni səviyyədə qalmasının gözlənildiyi bildirilib. Elektromobillərin artması, daha az yanacaq sərf edilən texnologiyaların yaranması ilə azalan istehlak, inkişaf edən iqtisadiyyat sahələrinin enerjiyə artan tələbat ilə balanslaşacaqdır. Yəni, neftə olan təlabat demək olar ki, yerində sayacaqdır.
BP-nin əsas ssenarisində alternativ enerjinin qlobal enerji istehlakında payının hazırkı 4 faiz səviyyəsindən 2040-ci ildə 14 faiz səviyyəsinə yüksəlməsinin gözlənildiyi bildirilib.

Hesabatda BP-nin rəhbəri Bob Dadli, qlobal miqyasda karbon qazı emissiyasının azaldılması üçün daha ardıcıl fəaliyyət planının həyata keçirilməsi lazım olduğunu bildirib.

Nəqliyyatda sürücüsüz vasitələrlə yaranacaq dəyişikliklərə dair BP-nin Baş iqtisadçısı Spencer Dale bildirib: “Sürücülər olmayacağı və maaş ödənilməyəcəyi üçün ictimai nəqliyyatda gediş haqlarının maya dəyəri 40-50 faiz səviyyəsində azalacaqdır. 2030-cu illərdə kollektiv istifadə olunan vasitələrdə böyük bir artım gözləyirik”,- deyib.

Bir cavab yazın

This site uses Akismet to reduce spam. Learn how your comment data is processed.

24SAAT.ORG Xəbər Saytı
Azərbaycan və Dünyadan Xəbərlər
[mc4wp_form id=""]
Input your search keywords and press Enter.