Now Reading:
Azərbaycanda əlillərin elektron reyesteri aparılacaq
Full Article 50 second read


Azərbaycan Milli Məclisinin Əmək və Sosial siyasət komitəsinin bu gün keçirilən iclasında “Əlilliyi olan şəxslərin hüquqları haqqında” qanun layihəsi ikinci oxunuşda müzakirəyə çıxarılıb. APA-nın məlumatına görə, layihə barədə komitə sədri Hadi Rəcəbli məlumat verib.

Bildirilib ki, 8 fəsil 40 maddədən ibarət olan layihədə ilk oxunuşda fərqli olaraq bir sıra dəyişikliklər edilib. Yeniliklərdən biri odur ki, müvafiq icra hakimiyyəti orqanı əlilliyi olan şəxslərin vahid informasiya bazasını yaratmaq məqsədi ilə müvafiq icra hakimiyyəti orqanının apardığı elektron informasiya ehtiyatlarından istifadə etməklə əlilliyi olan şəxslərin reyesterini elektron formada aparır.

Layihəyə əsasən, əlilliyi olan şəxslərin reyesterinin aparılması qaydasını müvafiq icra hakimiyyəti orqanı müəyyən edir.

Digər bir yenilik odur ki, əlilliklə bağlı istənilən fərq qoyma, istisna və məhdudiyyət tətbiqindən imtina ediləcək.

Qanun layihəsi ikinci oxunuşda da plenar iclasa tövsiyə olunub.

Bir cavab yazın

This site uses Akismet to reduce spam. Learn how your comment data is processed.

24SAAT.ORG Xəbər Saytı
Azərbaycan və Dünyadan Xəbərlər
[mc4wp_form id=""]
Input your search keywords and press Enter.