Loading...
AZƏRBAYCANCA   РУССКИЙ
Loading...

Zəngəzur da Azərbaycana qaytarılsın – Millət vəkili

Qondarma “Dağlıq Qarabağ respublikası”nın tanınması ilə bağlı qanun layihəsi Ermənistanın və onu himayə edən Minsk Qrupunun növbəti təxribatıdır.

Bunu Trend-ə Milli Məclisin deputatı Bəxtiyar Əliyev deyib.

B.Əliyev qeyd edib ki, əgər Minsk Qrupu Ermənistanın bu cür təxribatına reaksiya vermirsə, deməli, onlar əvvəldən də bunu bilirdilər.

O bildirib ki, bu qanun layihəsi Ermənistanın işğalçı olduğunu sübut edən faktdır və ona qarşı təcili sanksiyalar tətbiq edilməlidir.

Millət vəkili hesab edir ki, Azərbaycan özü ilk mərhələdə əzəli torpaqlarımız olan Zəngəzurun Azərbaycana birləşdirilməsi ilə bağlı qanun layihəsi hazırlamalıdır: “Azərbaycanın tarixi torpağı olan Zəngəzur qeyri-qanuni olaraq o vaxt Ermənistana verilib. O torpaqların geri qaytarılması haqqında Azərbaycan Milli Məclisi qanun qəbul etməlidir və öz hüquqlarını tələb etməlidir. Çünki bunun hüquqi əsasları var. O torpaqlar Azərbaycanın olub, sonradan qeyri-qanuni yolla Ermənistana verilib. Dağlıq Qarabağın isə Ermənistana heç bir aidiyyəti olmayıb. Çünki Ermənistan özü Azərbaycan torpaqlarında yaradılıb”.

B.Əliyev bu təkliflə Milli Məclisdə çıxış etmək niyyətindədir.

24saat.org
Loading...

Deputatdan əcayib təklif: Suyun qiyməti qaldırılsın

Sonrakı Yazı »

Kremldən Qarabağla bağlı şok AÇIQLAMA: “Moskva ilə razılaşdırılmayıb”

%d bloqqer bunu bəyənir: