Now Reading:
Yaponiya imperatoru taxtdan getmək istədiyini bildirir
Full Article 1 minutes read

Yaponiya imperatoru taxtdan getmək istədiyini bildirir



Yaponiya imperatoru Akihito yaş və sağlamlıq vəziyyətinə görə vəzifəsinə davam edə bilməyəcəyini açıqlayıb.

82 yaşlı imperator bu barədə indiyə qədər etdiyi ikinci televiziya çıxışında bildirib.

Yaponiya qanunvericiliyində imperatorun taxtdan getməsi təsbit olunmayıb. Onun getməsi üçün qanunda dəyişiklik edilməlidir.

Baş nazir Şinzo Abe bildirib ki, hökümət bu məsələni “ciddi” müzakirə edəcək.

10 dəqiqəlik televiziya çıxışında imperator Akihito deyib ki, o dövlətin rəmzi sayılan imperatorluq vəzifələrinin fasiləsiz həyata keçirilməsini doğru hesab edir.

“Mən narahatam ki, dövlət rəmzi olaraq bütün həyatım boyu indiyə qədər həyata keçirdiyim imperatorluq vəzifələrimi davam etdirmək mənə çətin ola bilər.”

O bildirib ki, imperator yaş və ya xəstəlik səbəbilə vəzifələrini yerinə yetirə bilmədikdə naiblik yaradıla bilər. Lakin, hətta bu halda belə imperator ömrünün sonuna qədər olduğu kimi qalır.

Konstitusiyaya əsasən imperatorun siyasi vəzifələri yoxdur, ona görə də onun imperatorluqdan imtinasına bir qədər siyasətə müdaxilə kimi baxılacaq.

Akihito 1989-cü ildə, atası Hirohito-nun ölümündən sonra taxta keçib.

Rəy sorğuları göstərib ki, Yaponiya ictimaiyyətinin böyük hissəsi onun qərarını dəstəkləyəcək.

Bir cavab yazın

24SAAT.ORG Xəbər Saytı
Azərbaycan və Dünyadan Xəbərlər
[mc4wp_form id=""]
Input your search keywords and press Enter.
%d bloqqer bunu bəyənir: