Loading...
AZƏRBAYCANCA   РУССКИЙ
Loading...
neft

Ukrayna Azərbaycandan 4 milyon ton neft almaq istəyir

Ukraynanın Kremençuq Neft Emalı Zavoduna (NEZ) ildə 1,3 mln. ton olmaqla 3 il müddətinə 4 mln. ton həcmində Azərbaycan nefti nəql olunacaq.

Ukrayna KİV xəbər verir ki, bununla bağlı ötən gün “Ukrtransnafta” və “Ukrtatnafta” (zavodun operatoru) niyyət protokolu imzalanıb. Nəqlin 2017-ci ildən başlanacağı gözlənilir.

Ukrayna Energetika və Kömür Sənayesi Nazirliyi hesab edir ki, Azərbaycan neftinin Kremençuq zavoduna nəqli ölkənin neft emalı kompleksinin Rusiyadan asılılığının azalmasına imkan yaradacaq. Həmçinin qeyd olunub ki, razılaşdırılan neft həcmi təkcə Zavodu neftlə təmin etməyəcək, eyni zamanda özəl emal zavodlarının gücünü artıracaq. Bu isə idxal yanacaqdan asılılığın azaldılmasına imkan yaradacaq.

“Ukrtransnafta”nın baş direktorunun birinci müavini Andrey Pasişnik bildirib ki, Azərbaycan neftinin ilk hissəsi yaxın 2 ay ərzində zavoda çatdırıla bilər. Onun sözlərinə görə, yaxın həftələrdə Nazirlər Kabinetindən müvafiq razılığın alınmasına ümid edilir.

24saat.org
Loading...

Deputatdan əcayib təklif: Suyun qiyməti qaldırılsın

Sonrakı Yazı »

Rusiyanın da valyuta ehtiyatları azaldı

Şərh yaz

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

%d bloqqer bunu bəyənir: