Loading...
AZƏRBAYCANCA   РУССКИЙ
Loading...

Tanınmış jurnalist “UniBank”dan prezidentə şikayət edə bilər

“Dollar kreditinin qurbanı olmuşam. UniBankdan ötən il, devalvasiyadan əvvəl 18 aylıq kredit götürmüşdüm. Dolların 0,78 qəpik olan vaxt. Ötən ildən bu yana pulu ödəmişəm”.

24saat.org xəbər verir ki, bu sözləri tanınmış jurnalist Xaqani Səfəroğlu Facebook səhifəsində yazıb. Məsələnin aktuallığını nəzərə alaraq tanınmış jurnalistin statusunu olduğu kimi dərc edirik:

“Əziz dostlar

Dollar kreditinin qurbanı olmuşam. UniBankdan ötən il, devalvasiyadan əvvəl 18 aylıq kredit götürmüşdüm. Dolların 0,78 qəpik olan vaxt. Ötən ildən bu yana pulu ödəmişəm.
Yəni 2015-ci ilin yanvarında mənə 3000 dollar ( 2340 manat) kredit verilib. Mən son 18 ayda (2015-ci ilin fevralından -2016-cı ilin avqustuna qədər) banka 2750 manat ödəmişəm. Dolların 78 qəpik olan kursunu götürsək bu 3240 dollar edir. Müqavilə öhdəliyi ilə mənim banka borcum yoxdur.
Bir neçə gün əvvəl bankdan bəyan edilib ki, mənim hələ 2900 dollar da (5000 manat) borcum var və bunu ödəməliyəm. Bu məbləğ iki devalvasiyadan sonra yaranmış borcdur. Mənə bildirlidi ki, dolların qiymətinin artması ilə borc da qalxır. Borcu tam bağlamaq üçün bundan sonra 2017-ci ilin avqustuna qədər hər ay 500 manat ödəməliyəm. Əgər tutaq ki, hər ay 150, 200 manat ödəsəm o zaman bu borcun müddəti qeyri-müəyyən zamana qədər uzanır. Məsələn, əgər sabah dollar 2 manat, biri gün 3 manat, o biri gün 4 manat olsa mənim borcum bu kursa uyğun hesablanacaq. Yəni mən qiyamətə qədər banka borclu qalacağam.

Bu absurddur.

Mənim aylıq əmək haqqım bu məbləği ödəməyə imkan vermir. Bundan sonra da imkan verməyəcək. Belə çıxır biz ailəliklə ac qalıb banka pul ödəməliyik. Mən devalvasiyadan sonra yaranmış borc öhdəliyimi qeyri-qanuni hesab edirəm və dövlətin bu məsələyə münasibətini bildirməsini istəyirəm.
Mən Azərbaycanın baş naziri Artur Rəsizadəyə, maliyyə naziri Samir Şərifova müraciət edirəm. Dollar kreditinin bu formada qurbanı olmuş şəxslərin taleyinə biganə yanaşmasınlar. Sivil dövlətlərdə bu problemin həlli yolları var. Lakin Azərbaycan hökuməti məsələ ilə bağlı heç bir addım atmır.
Əgər bu müraciətimə cavab verilməsə, mən Azərbaycan prezidenti, cənab İlham Əliyevə müraciət etməli olacağam.”

24saat.org

 

Əziz dostlar

Dollar kreditinin qurbanı olmuşam. UniBankdan ötən il, devalvasiyadan əvvəl 18 aylıq kredit götürmüşdüm….

Xaqani Safaroqlu paylaştı: 6 Eylül 2016 Salı

24saat.org
Loading...

Tanınmış blogger Mehman Hüseynov yeni statusu ilə yenə məmurlara meydan oxudu

Sonrakı Yazı »

Akif Çovdarov Tağı Əhmədovun qohumlarını “əsir götürüb”

%d bloqqer bunu bəyənir: