Now Reading:
“Space TV”nin qalmaqallı verilişi bağlandı
Full Article 50 second read

“Space TV”nin qalmaqallı verilişi bağlandı



Space televiziyasında yayımlanan “Bu, maraqlıdır” verilişi bağlanıb. Bu barədə “Qafqazinfo”ya kanaldan məlumat daxil olub.

Space TV-nin sözügedən verilişlə bağlı açıqlamasını təqdim edirik:

“Yeni mövsümdə kanalda “Bu, maraqlıdır” adlı musiqili-əyləncəli proqram hazırlanmışdı.

Aktrisa Ülviyyə Əliyeva və Ramiz Alışovun aparıcılığı ilə bu veriliş ilk buraxılışlarında qeyri-adi qabiliyyətə malik olan insanları proqrama cəlb edirdi. Və doğrudan da bu, maraqlı idi. Sonuncu verilişdə, çox guman ki, mövzu qıtlığından müəyyən zövqsüzlüyə yol verilmişdi. Televiziya rəhbərliyi bu halın tendensiya xarakteri daşımaması üçün “Bu, maraqlıdır” verilişinin bağlanması haqqında qərar qəbul edib”.

Xatırladaq ki, Milli Televiziya və Radio Şurasının (MTRŞ) şöbə müdiri Təvəkkül Dadaşov açıqlamasında “Bu maraqlıdır” verilişində baş verənləri efirin toyxanaya çevrilməsi kimi təqdim etmişdi: “Bu tipli verilişlər xüsusilə “Space”də çoxdur. Hər dəfə bu mövzuda irad bildirəndə, yayımçılar, o cümlədən “Space”, reytinqi bəhanə gətirir. Teleradio məkanımızda bu mövsüm ciddi reytinq yarışı hiss olunur. Bunun da fəsadları göz önündədir”.

Bir cavab yazın

24SAAT.ORG Xəbər Saytı
Azərbaycan və Dünyadan Xəbərlər
[mc4wp_form id=""]
Input your search keywords and press Enter.
%d bloqqer bunu bəyənir: