Now Reading:
Səfir Cekuta: «Həmsədrlərin əsas məqsədi…»
Full Article 40 second read

Səfir Cekuta: «Həmsədrlərin əsas məqsədi…»



«Həmsədrlərin əsas məqsədi Vyanada əldə olunan irəliləyişi daha da inkişaf etdirməkdir. Habelə, hərtərəfli sülh sazişi üzrə danışıqlara nail olmaqdır».

APA-nın xəbərinə görə, bunu ABŞ-ın Azərbaycandakı səfiri Robert Cekuta Dağlıq Qarabağ üzrə danışıqları şərh edərkən deyib.

Mayın 31-də həmsədrlərin Brüsseldə Azərbaycan xarici işlər naziri Elmar Məmmədyarovla görüşdüyünü xatırladan səfir vasitəçilərin iyunun 2-də onun ermənistanlı həmkarı ilə görüşəcəyini əlavə edib.

Mayın 16-da Azərbaycan və Ermənistan prezidentlərinin Vyanada görüşü keçirilmişdi.

Danışıqlardan sonra həmsədrlərin verdiyi bəyanatda deyilirdi ki, prezidentlər İlham Əliyevlə Serzh Sarkisian Dağlıq Qarabağ münaqişəsinin sülh yolu ilə nizamlanmasına sadiq olduqlarını bəyan ediblər. Bundan başqa, müzakirələrdə iyunda yenidən görüşməklə bağlı tərəflər arasında razılıq əldə edildiyi bildirilirdi.

Bir cavab yazın

24SAAT.ORG Xəbər Saytı
Azərbaycan və Dünyadan Xəbərlər
[mc4wp_form id=""]
Input your search keywords and press Enter.
%d bloqqer bunu bəyənir: