Loading...
Loading...

Rusiyalı deputat: “Dağlıq Qarabağ mövzusu siyasətbazlığı sevmir”

“Dağlıq Qarabağ münaqişəsi siyasətbazlığı sevməyən mürəkkəb və həssas məsələdir”.

APA-nın xəbərinə görə, bunu Rusiya Federasiya Şurasının beynəlxalq məsələlər üzrə komitəsinin sədri Konstantin Kosaçev “vestikavkaza.ru” saytına açıqlamasında bildirib.

K. Kosaçev qeyd edib ki, Dağlıq Qarabağ münaqişəsi həmişə parlamentarilər arasında müzakirə mövzusu olaraq qalsa da, münaqişənin tənzimlənməsi peşəkarların işidir.

“Mən yaxşı anlayıram ki, münaqişəli vəziyyətlərin tənzimlənməsi peşəkarların, dövlət rəhbərlərinin, diplomatların işidir. Parlamentarilər isə buna yardım etməlidir. Düşünürəm ki, biz buna nail oluruq. Biz bu məsələləri həm ikitərəfli, həm də çoxtərəfli formatlarda müzakirə edirik”, – deyə o vurğulayıb.

Qeyd edək ki, Dağlıq Qarabağ münaqişəsinin müasir mərhələsi 1988-ci ildə Ermənistan SSR-in Azərbaycan SSR-ə qarşı ərazi iddiaları əsasında başlayıb. 1991-1994-cü illərdə Azərbaycanın Dağlıq Qarabağ ərazisi uğrunda Ermənistanla Azərbaycan arasında şiddətli müharibə baş verib. Nəticədə Azərbaycan ərazilərinin 20 faizi – Dağlıq Qarabağ və ətraf 7 inzibati rayon (Laçın, Kəlbəcər, Ağdam, Füzuli, Cəbrayıl, Qubadlı, Zəngilan) Ermənistan Silahlı Qüvvələri tərəfindən işğal olunub, 1 milyondan artıq insan qaçqın və məcburi köçkün vəziyyətinə düşüb. Hərbi əməliyyatlar 1994-cü ilin may ayında Bişkekdə Azərbaycan və Ermənistan arasında imzalanmış atəşkəs sazişi ilə başa çatıb.

Dağlıq Qarabağ münaqişəsinin həlli ilə ATƏT-in Minsk qrupu məşğul olur. Qrup ATƏT-in Nazirlər Şurasının 1992-ci ilin 24 martında Helsinkidə keçirilmiş görüşündə yaradılıb. Qrupun üzvləri Azərbaycan, Ermənistan, Rusiya, Amerika Birləşmiş Ştatları, Fransa, İtaliya, Almaniya, Türkiyə, Belarus, Finlandiya və İsveçdir.

1996-cı ilin dekabrından onun Rusiya, ABŞ və Fransadan ibarət həmsədrlik institutu fəaliyyət göstərir.

Ermənistan qoşunlarının Dağlıq Qarabağdan qeyd-şərtsiz çıxarılması ilə bağlı BMT Təhlükəsizlik Şurasının 1993-cü ildə qısa fasilələrlə qəbul edilmiş 822, 853, 874 və 884 saylı qətnamələri, o cümlədən BMT Baş Assambleyası, AŞPA, ATƏT, İƏT və digər təşkilat və qurumların qətnamələri mövcuddur.

24saat.org
Loading...

Cahangir Hacıyevdən ictimaiyyətə sensasion müraciət

Sonrakı Yazı »

Bu, Sərkisyanın ölümü demək olacaq – Rus politoloqlar

%d bloqqer bunu bəyənir: