Advertisements
24 saat

Prezidentin açdığı velosiped zavodu bağlandı – Özəl


İsmayıllıda prezidentin açılışını etdiyi zavod fəaliyyətini dayandırıb. Rayondan 24saat.org-a daxil olan məlumata görə, yenicə istifadəyə verilmiş “İsma Bikes” velosiped zavodu işləmir.

Halbuki, həmin zavodun açılışında dövlət başçısı İlham Əliyev də iştirak edib, hətta velosiped sürüb. Bildirilib ki, bu il 50 nəfərin, gələn il 100 nəfərin işləyəcəyi zavodda Bolqarıstanla birlikdə Azərbaycanda müasir standartlara uyğun velosiped, əlil arabaları və s. istehsal olunacağı nəzərdə tutulub.

Həmçinin, velotreklər salınması və idman yarışları keçirilməsi planlaşdırılır. Zavodun inşası üçün 7 milyon manat vəsaitin xərcləndiyi bildirilir.

Amma açılışından bir ay keçməmiş zavod fəaliyyətini dayandırıb. Bunun səbəbi isə bəlli deyil. Yerli sakinlərdən biri idida edib ki, açılışında nümayiş olunan velosipedlər də bu zavodda istehsal olunmayıb, kənardan gətirilib.

Zavodun fəaliyyətinin dayandırılması nə ilə əlaqədar olduğu bilinməsə də, İsmayıllının icra başçısı Mirdaməd Sadıqov üçün biabırçı hadisədir.

24saat.org

Bir cavab yazın

24SAAT.ORG Xəbər Saytı
Azərbaycan və Dünyadan Xəbərlər
Input your search keywords and press Enter.
%d bloqqer bunu bəyənir: