Loading...
Loading...

Nərimanov rayonunda “Gənclərin Bilik Olimpiadası” adlı layihə davam edir

Nərimanov rayonunda “Gənclərin Bilik Olimpiadası” adlı layihə davam edir.


07 iyun 2016-cı il tarixində Azərbaycan Turizm və Menecment Universitetində Azərbaycan Respublikasının Prezidenti yanında Gənclər Fondunun maliyyə dəstəyi, Nərimanov Rayon Gənclər və İdman İdarəsi və “Yeni Gələcək” Gənclərin Maarifləndirilməsi İctimai Birliyinin birgə təşkilatçılığı ilə “Gənclərin Bilik Olimpiadası”adlı layihənin növbəti seçim turu keçirilib.
Seçmə turun rəsmi hissəsində Nərimanov Rayon Gənclər və İdman İdarəsinin baş məsləhətçisi Elnarə Kazımova, “Yeni Gələcək” Gənclərin Maarifləndirilməsi İctimai Birliyin baş katibi Ləman Muradova, “Mənim təhsilim – mənim gələcəyim” kampaniyanın sədr müavini Gülnar Xanlarova, Azərbaycan Turizm və Menecment Universitetinin Tələbə-Gənclər Təşkilatının sədri İlqar Quliyev və fəal tələbələr iştirak etmişdir.
İlk öncə qonaqları salamlayan Universitetin Tələbə – Gənclər Təşkilatının sədri İlqar Quliyev tədbirin mahiyyəti və gənclər üçün faydası barədə danışıb, elmə, təhsilə olan marağın artırılması, liderlik, komandada işləmək bacarığı kimi xüsusiyyətlərin üzə çıxarılması istiqamətində gənclərin ictimai fəallığını və sosial aktivliyini təmin edilməsi məsələlərlə bağlı məlumat vermişdir.
Sonra “Yeni Gələcək” Gənclərin Maariflləndirilməsi İctimai Birliyinin baş katibi Ləman Muradova layihənin əhəmiyyəti və məqsədi haqqında geniş məlumat verərək bildirdi ki, həyata keçirilən layihənin əsas məqsədi gənclərin elm və yaradıcılıq potensialının nümayiş etidirilməsi üçün əlverişli şəraitin yaradılması, eyni zamanda istedadlı və potensiallı gəncləri müəyyən etmək və gələcəkdə onların potensialını inkişaf etdirmək yolunda mühüm addımların atılmasından ibarətdir. L.Muradova qeyd etmişdir ki, intellektual oyunlar müasir dövrün ən prioritet məsələlərindədir və biz də ölkəmizdə bu sahədə olan istedadların üzə çıxarılmasını əsas məqsəd kimi qarşımıza qoymuşuq.
Sonda çıxış edən “Mənim təhsilim – mənim gələcəyim” kampaniyanın sədr müavini Gülnar Xanlarova bu kimi tədbirlərin həm gənc nəslin bilik və bacarıqlarının artırlmasındakı əhəmiyyətindən danışıb, həm də Gənclər Fondunun hər bir gəncə dəstək verməklə ölkəmizdə gənclərin potensialının üzə çıxarılmasının müsbət əhəmiyyətini, olimpiadanın gənclərin intellektual səviyyəsinin yüksəldilməsi, onların bilik və bacarıqlara yiyələnməsi baxımından önəmini qeyd etmişdir.
Rəsmi hissədən sonra “Gənclərin Bilik Olimpiadası”nın növbəti seçmə turuna start verilmişdir. “Yeni Gələcək” Gənclərin Maariflləndirilməsi İctimai Birliyinin üzvü Kənan Dadaşzadə tərəfindən bilik olimpiadanın qaydalarını tələbələrin diqqətinə çatdırdıqdan sonra onlara sual vərəqələri paylanmışdır. Qeyd edək ki, layihə çərçivəsində 9 müxtəlif ali və orta ixtisas müəssisələrinin tələbələri arasında bilik olimpiadası keçirilir və Azərbaycan Turizm və Menecment Universiteti artıq sonuncu-doqquzuncu təhsil müəssisəsidir. Xatırladaq ki, layihənin açılış və ilk seçmə turu Azərbaycan Kooperasiya Universitetində, ikinci seçmə turu Bakı Biznes və Kooperasiya Kollecində, üçüncü seçmə turu “Bakı Avrasiya” Universitetində, dördüncü seçmə turu Bakı Sosial Pedaqoji Kollecində, beşinci seçmə turu “Təfəkkür” Universitetində, altıncı seçmə turu “Odlar Yurdu” Universitetində, yeddinci seçmə turu Azərbaycan Dövlət İqtisad Universitetində, səkkizinci seçmə turu isə Azərbaycan Dövlət Rəssamlıq Akademiyasında keçirilmişdir. Sonda layihənin bağlanışı və bilik olimpiadanın final mərhələsi keçiriləcəkdir. “Gənclərin Bilik Olimpiadasında” qalib gəlmiş tələbələr “Yeni Gələcək” Gənclərin Maarifləndirilməsi İctimai Birliyi tərəfindən mükafatlandırılacaqlar.

24saat.org
Loading...

“Azərbaycan Suriyaya qoşun göndərə bilər”

Sonrakı Yazı »

AMAY Abdulla azadlıqda

%d bloqqer bunu bəyənir: