Now Reading:
Messi Argentina yığmasından gedir
Full Article 50 second read

Messi Argentina yığmasından gedir



Lionel Messi bir daha Argentina yığmasının tərkibində oynamayacağını deyir.

Argentina iyunun 27-də Nyu-Yorkda «Copa America» finalında Çiliyə 4-2 hesabıyla uduzub.

Oyunda əsas və əlavə vaxtda qol vurulmayıb, penalti zərbələrini isə Çilinin oyunçuları daha dəqiq yerinə yetiriblər. Messi və Biglia penaltiləri qola çevirə bilməyiblər.

2005-ci ildən şərəfini qoruduğu Argentina yığmasının heyətində Messi 112 oyun keçirib, 55 qol vurub.

Argentina 1993-cü ildən bəri heç bir beynəlxalq turnirdə qələbə çalmayıb.

Messi deyib ki, «mənim üçün yığma komanda bitdi. Dörd dəfə final olub, bu, mənə görə deyil. Cəhd etdim. Ən çox istədiyimi əldə edə bilmədim və düşünürəm ki, bitdi».

Messi və Argentina yığması 2007-ci ildə «Copa America» finalında Braziliyaya, 2014-cü ildə Dünya Kubokunun finalında isə əlavə vaxtda Almaniyaya uduzub. Ötən il isə «Copa America» turnirində yenə penalti zərbələri seriyasında Çiliyə məğlub olub.

29 yaşlı Messi Çempionlar Liqasında «Barcelona»ya dörd dəfə qələbə qazandırıb.

Bir cavab yazın

24SAAT.ORG Xəbər Saytı
Azərbaycan və Dünyadan Xəbərlər
[mc4wp_form id=""]
Input your search keywords and press Enter.
%d bloqqer bunu bəyənir: