Loading...
AZƏRBAYCANCA   РУССКИЙ
Loading...

Mərkəzi Bank hansı qəpiklərin dövriyyədən çıxarıldığına aydınlıq gətirdi

Mərkəzi Bankda “Metal pul nişanlarının məhv edilməsi sistemlərinin satın alınması” ilə bağlı tender elanı bir sıra kütləvi informasiya vasitələri tərəfindən yanlış şərh edilib.

Bu haqda Modern.az-a Mərkəzi Bankın mətbuat xidmətinin rəhbəri Namiq Əliyev danışıb.

O bildirib ki, söhbət dövriyyədən çıxan yararsız metal pul nişanlarından gedir:

“Hazırda metal pul nişanları dövriyyədədir və onların tədavüldən çıxarılması planlaşdırılmır.

Qeyd edək ki, metal pul nişanları artıq on ildən çoxdur ki dövriyyədədir və bu müddət ərzində təbii olaraq yararsız hala düşmüş qəpiklər Mərkəzi Bank tərəfindən mütəmadi olaraq yeniləri ilə əvəzlənir”.

Bank rəsmisi qeyd edib ki, satın alınacaq yeni sistemlər məhz dövriyyədə yararsız hala düşərək tədavüldən çıxarılan qəpiklər üçün nəzərdə tutulur:

“Anoloji sistemlər yararsız hala düşmüş və tədavüldən çıxarılmış kağız pul nişanları üçün də mövcuddur”.

Qeyd edək ki, Azərbaycan Mərkəzi Bankı (AMB) metal pul nişanlarının məhv edilməsi sisteminin satın alınması ilə əlaqədar tender keçirir.

Bankın yaydığı xəbərdə bildirilir ki, iddiaçılar tender təklifini və onun bank təminatını oktyabrın 21-nə qədər, tələb olunan digər sənədləri isə oktyabrın 13-dək AMB-yə təqdim etməlidirlər.

Tenderdə iştirak haqqı kimi qurumun hesabına 1000 manat köçürülməlidir.

Tender proseduru oktyabrın 24-ü saat 15:00-da AMB-nin Bakı şəhəri, Rəşid Behbudov küçəsi 90 ünvanında yerləşən inzibati binasında keçiriləcək.

24saat.org
Loading...

Rusiyanın Azərbaycanlı Gənclər Birliyinin tədbirində Azərbaycana qarşı hörmətsizlik – VİDEO

Sonrakı Yazı »

Azərbaycan nefti ucuzlaşıb

%d bloqqer bunu bəyənir: