Advertisements
24 saat

Mərkəzi Bank hərraca 300 milyon dollar çıxaracaq


Bu gün Mərkəzi Bank hərraca həmişəkindən 5-6 dəfə artıq dollar çıxaracaq. Fins.az-ın məlumatına görə, məqsəd bankların tələbatının ödənilməsi və dövriyyədə dollar kütləsinin artırılmasıdır.

Xatırladaq ki, Dövlət Neft Fondu hər həftənin 2-ci və 4-cü günləri  hərrar keçirir. Bu hərracda hər dəfə 50 milyon dollar olmaqla ümumilikdə həftə ərzində 100 milyon dollar satışa çıxarılırdı.  Amma bu bankların tələbatını ödəmir. Belə ki, Mərkəzi Bankdan fins.az-a verilən məlumata görə, sentyabr ayının 6-da həyata keçirilən valyuta hərracı zamanı dollarla bağlı banklardan daxil olan sorğuların ümumi məbləği 588 milyona çatıb.

Bununla bağlı bu gün, yəni sentyabr ayının 8-də  Neft Fondu 300 milyon dollar hərraca çıxaracaq.  Qeyd edək ki, hərrac Bloomberg platforması üzərindən Mərkəzi Bankın nəzarəti ilə  həyata keçiriləcək.

(fins.az)

Bir cavab yazın

24SAAT.ORG Xəbər Saytı
Azərbaycan və Dünyadan Xəbərlər
Input your search keywords and press Enter.
%d bloqqer bunu bəyənir: