24 saat

KTMT baş katibi seçə bilmədi: Liderlər İrəvanı tərk etdi – Video


Kollektiv Təhlükəsizlik Müqaviləsi Təşkilatına (KTMT) üzv ölkələ liderləri İrəvanı tərk ediblər. 
Axar.az xəbər verir ki, bununla da İrəvanda keçirilən KTMT-nin iclası başa çatıb.
İclasın gündəmində yer alan 20 məsələ çərçivəsində beynəlxalq vəziyyət və kollektiv təhlükəsizliyin təmin edilməsində aktual məsələlər müzakirə edilib. 2025-ci ilə qədər KTMT kollektiv təhlükəsizlik strategiyası, KTMT Böhrana Müdaxilə Mərkəzinin yaradılmasına dair qərar layihələri gündəmə gətirilib. Böhrana Müdaxilə Mərkəzinin yaradılması, hərbi əməkdaşıq, birgə hazırlıq konsepsiyası, hərbi texnikanın standartlaşdırılması haqqında qərar qəbul olunub.
Beynəlxalq terrorizmlə bağlı sənədlər imzalanıb. Həmçinin KTMT-nin birgə qərargah fəaliyyətini tənzimləyən hökmlərə dair qərar çıxarılıb.
Sonda KTMT liderləri təşkilatın baş katibinin müəyyən edilməsi məsələsini isə ilin sonunadək təxirə salıblar.

Bir cavab yazın

24SAAT.ORG Xəbər Saytı
Azərbaycan və Dünyadan Xəbərlər
Input your search keywords and press Enter.
%d bloqqer bunu bəyənir: