Advertisements
24 saat

Kredit borcu olanların – Nəzərinə


Banka kredit borcu ilə bağlı zəngi artıq şəxslər yox, xüsusi avadanlıqlar həyata keçirəcək.Kollektor şirkətlərinin işçiləri isə bu üsuldan istifadə etməklə yalnız telefonu açıq olan müştərilərlə danışacaqlar.

Mütəxəssislər bildirir ki, bu zaman vətəndaşlar bəzi məqamlara diqqət etməlidirlər ki, onların hüquqları tapdanmasın.

Banka borcu olan vətəndaşlara artıq şəxslər yox avtomatik sistemlər zəng edəcək. Bankın və ya kollektor şirkətlərinin işçiləri isə dəstəyi ancaq zəng edilən şəxs açdıqda götürəcəklər.

Bu yeni sistemi Azərbaycanda kollektor, yəni borcları toplamaqla məşğul olan şirkətlərdən biri həyata keçirəcək. Ekspertlər bildirir ki, yeni sistem vətəndaşların hüquqlarını pozmadan fəaliyyət göstərərsə burda qeyri-qanuni heç bir şey yoxdur. Ancaq vətəndaşlar zənglərin gəlmə vaxtına xüsusi diqqət etməlidirlər.

Hüquqşünas Anar Ramazanlı bildirir ki, Azərbaycanda problemli kreditlərin həcminin çox olduğu nəzərə alınarsa kollektor şirkətlərinin sayının və belə xidmətlərinin getdikcə artacağı gözlənilir. Ekspert qonşu Rusiyada kollektor şirkətlərinin borcları toplamaq üçün maraqlı üsullardan istifadə etdiyinə diqqət çəkir.

Avropada fəaliyyət göstərən kollektor şirkətlərinin də borcları toplamaq üçün özlərinə məxsus üsualları var. Məsələn İspaniyada məşhur kollektor şirkətlərindən birinin işçiləri borcları keşiş paltarında toplayırlar. Mütəxəssislər bildirir ki, bu kimi üsullarından bəziləri yerli şərait nəzərə alınaraq yaxın zamanda Azərbaycanda da həyata keçirilməsi mümkündür. (Xəzər Xəbər)

Bir cavab yazın

24SAAT.ORG Xəbər Saytı
Azərbaycan və Dünyadan Xəbərlər
Input your search keywords and press Enter.
%d bloqqer bunu bəyənir: