Loading...
Loading...

Kontaktsız elektron termometr bazara çıxarılıb – VİDEO

Bu, temperaturun ölçülməsi üçün ən gigiyenik üsuldur.

Fransanın “Withings” şirkəti “Thermo” kontaktsız elektron termometrini bazara çıxarıb. Temperaturun təyini üçün qurğunu alın boyunca aparmaq kifayətdir.
Oxu.Az-ın məlumatına görə, “ICTnews” Elektron Xəbər Xidməti “N+1” resursuna istinadən yazır ki, qurğuya ən yüksək temperatur nöqtəsini müəyyənləşdirmək üçün gicgah arteriyasını skan edən və 4 mindən çox ölçmə aparan 16 infraqırmızı ötürücü quraşdırılıb.
Termometr yaş, simptom və temperaturun dəyişməsi əsasında xəstəliyin müalicəsi üçün məsləhətlər verən mobil proqramla sinxronlaşdırılıb. Boston Uşaq Klinikasının əməkdaşları əlavəyə dərmanlar və onların dozaları barədə informasiya əlavə ediblər.
Səthi gicgah arteriyasının temperaturunu təyin edən termometrlər ölçmə dəqiqliyinə görə rektal və qulaq termometrləri ilə müqayisə edilə bilər. Bundan başqa, onlar daha gigiyenikdir və travma üçün təhlükəli deyil, eləcə də həm oyaq, həm də yatmış insanın temperaturunu ölçməyə imkan verir.
Ailəvi termometr kimi icad edilən “Thermo” 8 adamın temperaturunun ölçmə tarixçəsini izləyir. İstehsalçı qurğunu temperaturun ölçülməsi üçün ən gigiyenik üsul kimi qələmə verir.

24saat.org
Loading...

“Azərbaycan Suriyaya qoşun göndərə bilər”

Sonrakı Yazı »

Kremldən “Rusiya çevriliş barədə Ərdoğana xəbər edib” iddiasına REAKSİYA

%d bloqqer bunu bəyənir: