Loading...
AZƏRBAYCANCA   РУССКИЙ
Loading...

Konstitusiya Məhkəməsindən referenduma “yaşıl işıq”

Konstitusiya Məhkəməsi Plenumunun bu gün keçirilən iclasında Prezident İlham Əliyev tərəfindən Konstitusiyaya təklif edilən dəyişikliklərin  Konstitusiyasının tələblərinə uyğunluğu barədə əsaslandırılmış rəy verilib.

24saat.org-un  xəbərinə görə, rəyi elan edən Konstitusiya Məhkəməsinin sədri Fərhad Abdullayev bildirib ki, təklif edilən dəyişikliklər  Konstitusiyanın müddəalarına zidd deyil və ümumxalq səsverməsinə çıxarıla bilər.

 

Qeyd edək ki, iyulun 18-də Azərbaycan Respublikası Prezidenti tərəfindən Azərbaycan Respublikası Konstitusiyasının 153-cü maddəsi rəhbər tutularaq, “Azərbaycan Respublikasının Konstitusiyasında dəyişikliklər edilməsi haqqında” Azərbaycan Respublikasının Referendum Aktının layihəsi Konstitusiya Məhkəməsinə rəy verilməsi üçün təqdim edilmişdi.

 

Konstitusiya Məhkəməsinə göndərilən Referendum Aktı layihəsində Azərbaycanda birinci vitse-prezident və vitse-prezident postlarının yaradılması, prezidentin səlahiyyət müddətinin 5 ildən 7 ilə artırılması, prezidentə Milli Məclisi buraxmaq və növbədənkənar prezident seçkilərinin elan edilməsi səlahiyyətinin verilməsi, prezident seçkilərində yaş məhdudiyyətinin aradan qaldırılması, parlament seçkilərində iştirak üçün yaş həddinin 25-dən 18-ə endirilməsi nəzərdə tutulur.

 

24saat.org
Loading...

Deputatdan əcayib təklif: Suyun qiyməti qaldırılsın

Sonrakı Yazı »

İqtisad Universitetində müdhiş rüşvət əməliyyatı

%d bloqqer bunu bəyənir: