Now Reading:
Həmsədrlər yenidən Əliyev və Sarkisyanla danışıqlara gəlirlər
Full Article 50 second read

Həmsədrlər yenidən Əliyev və Sarkisyanla danışıqlara gəlirlər



ATƏT-in Minsk Qrupunun həmsədrləri Azərbaycan və Ermənistan XİN rəhbərləri ilə görüşlərinin yekunlarına dair bəyanat yayıblar.

Virtualaz.org-un məlumatına görə, bəyanatda deyilir: “ATƏT-in Minsk Qrupunun həmsədrləri İqor Popov (Rusiya), Ceyms Uorlik (ABŞ), Pyer Andriyu (Fransa) və ATƏT-in hazırki sədrinin şəxsi nümayəndəsi Anjey Kasprşik Dağlıq Qarabağ münqaişəsinin həlinə dair danışıqlar aparmaq üçün Nyu-Yorkda Azərbaycan və Ermənistan XİN rəhbərləri ilə ayrı-ayrılıqda görüş keçirib.

Görüş zamanı biz Vyana və Sankt-Peterburq Sammitlərində qəbul olunmuş qərarların icrasına xüsusi önəm verdik. Xüsusilə də münaqişənin həllinə yönələn danışıqlar üçün münbit atmosfer yaratmaq üçün gələcək addımları müzakirə etdik.

Biz həmçinin tərəflərin müzakirə edə biləcəyi təkliflər barədə fikir mübadiləsi apardıq. Bizim hökumətlər iki ölkənin prezidentləri və ya xarici işlər nazirlərinin münasib zamanda görüşünü təşkil etməyə hazırdır. Biz yaxın gələcəkdə regiona səfər etməyi planlaşdırırıq”, – deyə bəyanatda bildirilir.

Bir cavab yazın

24SAAT.ORG Xəbər Saytı
Azərbaycan və Dünyadan Xəbərlər
[mc4wp_form id=""]
Input your search keywords and press Enter.
%d bloqqer bunu bəyənir: