Loading...
AZƏRBAYCANCA   РУССКИЙ
Loading...

Eurovision-un qalibi Camala: “Tatar olsam da damarlarımda erməni qanı axır…”

Eurovision-2016 mahnı müsabiqəsinin qalibi, Ukraynanı təmsil edən Camala qələbəsinə sevinir, triumfunun onun üçün çox xoş, amma gözlənilməz və sürpriz olduğunu deyib.

Camala qələbəsini ermənilərə də həsr etdiyini söyləyib:

“Müsəlman və tatar olsam da, damarımda axan qanın yarısı erməni qanıdır və deyə bilərəm ki, erməniyəm. Erməniləri, Ermənistanı çox sevirəm. Babamın tarixi vətəni Dağlıq Qarabağdır. Əfsuslar olsun ki, hələ orada olmamışam. Ermənistanda iki gün oldum, oranı çox bəyəndim. Məni Eurovision-da dəstəkləyən ermənilərə də dərin minnətdarlığımı bildirirəm”, – Camala deyib.

32 yaşlı Camala Eurovision-2016-da Krım tatarlarının sovet illərində deportasiyasına həsr olunmuş “1944” mahnısını ifa edib.

Bu müğənninin əsl ad və soyadı Susanna Alimovna Camaladdinovadır. Qırğızıstanın Oş şəhərində anadan olmuş Susannanın atası Krım tatarı Alim Ayyaroviç Camaladdinov, anası isə Qalina Mixaylovna Tumasyandır.

2009-cı ildə “Novaya volna” mahnı müsabiqəsinə qalib gələndən sonra Susanna Camaladdinova Rusiyanın “Komsomolskaya Pravda” qəzetinə verdiyi müsahibəsində anasının erməni olduğunu ilk dəfə mediaya bəyan etmişdi.

24saat.org
Loading...

Rusiyanın Azərbaycanlı Gənclər Birliyinin tədbirində Azərbaycana qarşı hörmətsizlik – VİDEO

Sonrakı Yazı »

Dünyanın ən böyük təyyarəsinin eniş anı – 20 min nəfərin canlı izlədi VİDEO

%d bloqqer bunu bəyənir: