Loading...
AZƏRBAYCANCA   РУССКИЙ
Loading...

SON DƏQİQƏ

Ermənistan Azərbaycana müharibədən başqa yol qoymur

“Azərbaycan heç nəyə baxmayaraq beynəlxalq normalara, qətnamələrə uyğun şəkildə torpaqlarımzı işğaldan azad etmək üçün böyük hərbi əməliyyatlara başlayacaq. Çünki başqa yolumuz olmur.”

Bunu ANS PRESS-ə Milli Məclisin sabiq üzvü, politoloq Fikrət Sadıqov Ermənistanın baş naziri Ovik Abramyanın qondarma Dağlıq Qarabağ respublikasının tanınacağı barədə bəyanatına münasibət bildirərkən deyib.

Obramyan bildirib ki, Azərbaycan Silahlı Qüvvələri qoşunların təmas xəttində “Aprel müharibəsi”ni təkrarlayarsa, rəsmi İrəvan “DQR”in müstəqilliyini tanıyacaq.

“Ermənistan prezidenti konkret şəkildə bəyan etdi ki, Azərbaycan hücumları və müharibəni davam etdirərsə, biz bu addımı atacağıq”, – Obramyan deyib.

Son vaxtlar Ermənistan tərəfinin “Dağlıq Qarabağ respublikası”nın müstəqilliyinitanıyacaqları barədə yüksək səviyyədə bəyanatlar verməsini Fikrət Sadıqov siyasi oyunların və təxribatın bir hissəsi olduğunu bildirdi.

“Rəsmi İrəvanın qondarma Dağlıq Qarabağın müstəqilliyinin tanınacağı barədə açıqlamaları siyasi oyunlar və təxribatlardır. Rəsmi İrəvan DQR tanısa, bu o deməkdir ki, onlar ATƏT-in Minsk qrupunun danışıqlar prosesinə böyük nöqtə qoyurlar və Dağlıq Qarabağ münaqişəsi müzakirə predmeti olmayacaq.

Bundan sonra isə Azərbaycanın necə deyərlər əli-qolu açıqlacaq. Biz heç nəyə baxmayaraq, əməl etməyərək öz torpaqlarımızı hərbi yolla azad etməyə başlayacağıq. Sülh danışıqları artıq arxa plana keçəcək”, – Politoloq vurğuladı.

Torpaqlarımızı azad etməyə tam hüququmuzun olduğunu deyən F.Sadıqov bildirdi ki, əgər İrəvan bu variantı istəyirsə, bizə başqa yol qoymurlar.

Ovik Abramyan - Ermənistanın baş naziri

Daha əvvəl Ermənistan müxalifəti növbəti dəfə hökumətə mayın 5-də keçiriləcək iclasda “DQR”-in tanınmasına dair qanun layihəsinə baxmağı təklif edib. Bu təşəbbüs müxalif “İrs” partiyasından olan deputat Zarui Postandjyan və eks-baş nazir, hazırda müxalif “Erməni Milli Konqres”dən seçilən deputat Hrant Baqratyan tərəfindən irəli sürülüb.

Ermənistan xarici işlər nazirinin müavini Şavarş Köçəryan açıqlama verib ki, İrəvan “DQR”in müstəqillyini tanımır: “Əgər Azərbaycan tanınmamış Dağlıq Qarabağ respublikasına qarşı yeni hərbi əməliyyatlara başlayarsa, Ermənistan “DQR”-in müstəqilliyini tanıyacaq”.

Azərbaycan Xarici İşlər Nazirliyinin Ermənistana cavabı özünü çöx gözlətməyib. XİN-nin Mətbuat xidmətinin rəhbəri Hikmət Hacıyev bildirib ki, Azərbaycanın işğal edilmiş ərazilərində yaradılmış qondarma rejimin Ermənistan tərəfindən tanınması rəsmi İrəvanın Minsk qrupu prosesinə son qoyması mənası daşıyır.

O bildirib ki, bu halda Minsk Qrupunun danışıqlar aparmaq üçün artıq heç bir mandatı olmayacaq:

“Bu Minsk qrupu prosesi, onun həmsədrləri və bütün beynəlxalq ictimaiyyətə qarşı təhqir və özbaşınalığın ifrat nümunəsidir. Ermənistanın bu kimi təxribatçı əməllərinə beynəlxalq ictimaiyyət tərəfindən adekvat münasibət bildirilməlidir”.

Hikmət Hacıyev - XİN-in mətbuat xidmətinin rəhbəri

Azərbaycanın Rusiyadakı səfiri Polad Bülbüloğlu da Ermənistanın bu təxribatçı açıqlamasına sərt reaksiya verib. Səfir bəyan edib ki, əgər “DQR”in müstəqilliyi Ermənistan tərəfindən tanınsa, o zaman beynəlxalq hüququn bütün prinsipləri pozulmuş olacaq:

“Bu, ATƏT-in Minsk Qrupunun çoxsaylı təkliflərinin üstündən də xətt çəkəcək. Hesab edirəm ki, bütün həmsədr ölkələr, o cümlədən Rusiya bu məsələ ilə bağlı mövqeyini bildirməlidir”.

Polad Bülbüloğlu Ermənistanın Azərbaycana başqa çıxış yolu qoymadığını diqqətə çatdırıb: “Ermənistan BMT Təhlükəsizlik Şurasının qətnamələrini icra etmir. Ermənistanın son addımı isə danışıqlar prosesindən imtina etməkdir. O zaman biz nə etməliyik? Ermənistan danışıqlar prosesindən imtina edirsə, bizə başqa yol qoymur”.

Polad Bulbuloğlu - Azərbaycanın Rusiyadakı səfiri

Aprelin 1-dən 2-nə keçən gecə Ermənistan silahlı bölmələri Azərbaycan Ordusunun mövqelərinə hücum edib. Azərbaycan Silahlı Qüvvələri əks hücuma keçərək qarşı tərəfə sarsıdıcı zərbələr endirib.

Ermənilərin 300-dən çox hərbçisi ölüb, 500-dən çoxu yaralanıb, onlarla hərbi texnikası məhv edilib. Azərbaycan SQ bir sıra strateji yüksəklikləri işğaldan azad edib.

24saat.org
Loading...

YAP büdəcəyə 720 milyon manat bağışlaya bilər – niyə etmir?

Sonrakı Yazı »

“Ərdoğanın açıqlaması təxribatdan başqa bir şey deyil”

%d bloqqer bunu bəyənir: