Loading...
AZƏRBAYCANCA   РУССКИЙ
Loading...
102285

“Elnarə onu istəyir ki, abır-həyadan keçib ağzıma gələni danışım?”

Zaur Kamalın aparıcısı olduğu “5-də 5” verilişinin qonağı olan müğənni Elnarə Xəlilova bir sıra maraqlı açıqlamalarla diqqət çəkib.

Sənətçi həmkarı Səidə Sultanın əlindən tutub səhnəyə çıxardıb:

“Onu əlindən tutub, səhnəyə mən çıxartmışam. Necə Səidəni tanımaya bilərəm?”

Səidə Sultan isə bununla bağlı E.Xəlilovanın yalan danışdığını bildirib və səhnəyə gəldiyi illəri xatırlayıb:

“İlk dəfə səhnəyə 2000-ci ildə – 11-ci sinifdə oxuyanda gəlmişəm. Mədəniyyət Nazirliyinin məktəblilər arasında keçirdiyi “Pöhrə” müsabiqəsinin laureatı oldum. 2001-ci ildə “Bakı payızı” müsabiqəsində iştirak etmişəm. Müsabiqədə birinci yeri Zaur Əmiraslanovla Tünzalə Ağayeva, ikinci yeri Fidan və Xuraman Qasımova bacılarının tələbəsi Dilarə Əliyeva ilə mən tutduq. Müsabiqədə jürim Vaqif Gərayzadə, Samir Bağırov, Abbas Əhməd, Aygün Kazımova və Zülfiyyə Xanbabayeva olub. Yarımfinalda isə Eldar Mansurovla Faiq Ağayev də jüridə idi. O zamanlar “W Trio” qrupu dəbə düşmüşdü. Qrupun qızları da müsabiqənin konsertlərinə gəlirdilər, radioda mahnılarım gedirdi. Onların iki illik müqaviləsi bitdi. Mən də prodüser Yalçın Cabbarovla işləyirdim. İlk müəllimim də konservatoriyadan Esmiralda Hüseynova olub. Ardınca Mədəniyyət və İncəsənət Universitetinə daxil oldum. İki ildən sonra Röya gəldi, dedi ki, mən solo karyeraya başlayıram və istəyirəm ki, qrupda üçüncü qız sən olasan. Mən də razılaşdım. Gəldik bizə, evdəkilərlə danışdı. Röyayla birlikdə getdik Vaqif Gərayzadənin yanına. Axırda Xuraman Şuşalı gəldi. Elnarə isə heç vaxt mənim əlimdən tutub səhnəyə gətirməyib. Düzdür, o məndən 1-2 yaş böyükdür, amma o kim idi ki, əlimdən tutsun? Həmin vaxt o qızlar məndən təcrübəliydilər, mən məktəbi yeni qurtarmışdım, uşaq idim. Elnarənin bilirsiniz nələri yadıma gəlir? Qrupdan çıxanda dedi ki, ərə gedirəm. Zəng edirdi, danışırdıq. Elnarə kim olasıdır ki, mənim əlimdən tutsun? Onun əlindən tutan lazım idi, tutmuşdular da. Elnarə onu istəyir ki, abır-həyadan keçib ağzıma gələni danışım?” (Ölkə.Az)

24saat.org
Loading...

Deputatdan əcayib təklif: Suyun qiyməti qaldırılsın

Sonrakı Yazı »

“Xatun müğənniləri ələ salır” – Aygün Xatunun cavabını verdi

Şərh yaz

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

%d bloqqer bunu bəyənir: