Loading...
AZƏRBAYCANCA   РУССКИЙ
Loading...
images-cms-image-000027382

Dünya Bankının ”DOING BUSINESS” hesabatında Azərbaycan 4 pillə geriləyib

”Xarici investorlar Azərbaycana niyə yatırım etməlidir ki?!”

Dünya Bankı “DOING BUSINESS” hesabatını açıqlayıb. Azərbaycan son 1 ildə 4 pillə geriləyərək, 65-ci yerdə qərar tutub. Gürcüstan 16, Qazaxıstan 35, Rusiya isə 40-cı yerdə qərarlaşıb.

İqtisadçı Natiq Cəfərli “Facebook” səhifəsində yazıb ki, hesabatda fərqli indikatorlar var. Azərbaycanın ən yaxşı göstəricisi müəssisələrin qeydiyyatı, ən pis göstəricisi isə “tikintiyə icazə”dir. 127-ci, kreditə çıxış imkanları indikatorunda isə 118-ci yerdəyik. Ümumilikdə 10 indikator üzrə qiymətləndirmə olub. Bunun 7-də keçən ilə nisbətən geriləmişik. Cəmi 1 indikator dəyişməyib, 2-sində isə azacıq yaxşılaşma var”.

1 ildə 4 pillə geriləmə…

İqtisadçı bildirir ki, Azərbaycan hökumətinin tez-tez qürurla istinad etdiyi DOING BUSINESS hesabatı investorlar üçün çox ciddi istinad mənbəyidir. Əgər ölkəmiz son 1 ildə 4 pillə geriləyibsə, bölgədə əsas rəqibimiz Gürcüstan bizdən 49 pillə qabaqdadırsa, hətta Qazaxıstan və Rusiya da bizi qabaqlayıbsa, investor Azərbaycana niyə yatırım etməlidir ki?!

“Hələ burada məhkəmə və mülkiyyət toxunulmazlığı nəzərə alınmayıb. İvestorlar üçün önəmli olan bu 2 sahə Azərbaycanda bərbad vəziyyətdir. Bunu da nəzərə alsaq, üzərinə korrupsiyanı, inhisarçılığı da gəlsək, xarici investor Azərbaycana yatırım etməkdən həmən vaz keçir”.

“İnvestor bizi yox, Gürcüstanı seçəcək”
get_img-3
Natiq Cəfərli qeyd edir ki, hökumət tez-tez ölkəyə milyardlarla xarici investisiya qoyulduğunu deyir, amma dəqiqləşdirmir ki, bu vəsaitin tamamına yaxını neft-qaz müqavilələrinə görə qoyulub, o müqavilələr isə parlament tərəfindən təsdiq olunur, konstitusiyamızdan da üstün hüquqa malikdir. Yəni, o müqavilələrdə “oyun qaydaları” fərqlidir, bizimkilər istəsələr belə o qaydaları poza bilməzlər:

“Bizim bölgədə əsas rəqibimiz Gürcüstandır, o ölkəyə çatmasaq, bölgəyə gəlmək istəyən investor bizi deyil, Gürcüstanı seçəcək. Gürcüstana çatmağın yolu isə siyasi islahatlardan, idarəetmədə köklü dəyişikliklərdən, azad seçkilərdən keçir. Vəssalam…”.

24saat.org
Loading...

YAP büdəcəyə 720 milyon manat bağışlaya bilər – niyə etmir?

Sonrakı Yazı »

‘Beta’ çayı istehsal edən şirkət bağlanır?

Şərh yaz

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

%d bloqqer bunu bəyənir: