Con Kerri gələn həftə Gürcüstana səfər edəcək


ABŞ-ın dövlət katibi Con Kerri iyulun 6-da Gürcüstana səfər edəcək.

Bunu Gürcüstanın ABŞ-dakı səfiri Arçil Qeqeşidza Tbilisidə “Rustavi-2” telekanalına müsahibəsində bildirib.

Onun sözlərinə görə, Con Kerri Gürcüstan rəhbərliyi ilə ikitərəfli əməkdaşlığa dair bir sıra məsələləri müzakirə edəcək.

Qeyd edək ki, 2009-cu ilin yanvarında Vaşinqtonda ABŞ-la Gürcüstan arasında Strateji tərəfdaşlığa dair Xartiya imzalanıb. Həmin sənəddə təhlükəsizlik, müdafiə, ticarət, iqtisadiyyat, mədəniyyət və humanitar sahələrdə əməkdaşlıq nəzərdə tutulub. Hər il ABŞ və Gürcüstanda işçi qrupun plenar sessiyası keçirilir. Növbəti iclas iyulun 6-da Tbilisidə Con Kerri və Gürcüstanın baş naziri Georgi Kvirkaşvilinin iştirakı ilə keçiriləcək.

(report)

Paylaş:

YAP-ın yeni qərargahı 1 manatlıq narazılığa səbəb olub

Sonrakı Yazı »

ABŞ aviasiyası İŞİD-in avtomobil karvanını məhv etdi – 250 ölü

%d bloqqer bunu bəyənir: