Loading...
AZƏRBAYCANCA   РУССКИЙ
Loading...

Bütün güllələri polisin bədəninə boşaltdı, “Lexus”la qaçdı – Bakıda ŞOK CİNAYƏT

Məhsəti küçəsində yerləşən “Şuşa” restoranında Bakı şəhər sakini, 1982-ci il təvəllüdlü Rövşən Həsənov aralarında yaranan münaqişə zəminində tanışı, 1975-ci il təvəllüdlü Nadir İbrahimovu tapançadan atəş açmaqla öldürüb.

Qıza görə polisi güllələyənin məhkəmə istintaqı başa çatdı

Bu gün Bakı Ağır Cinayətlər Məhkəməsində qız üstündə keçmiş polis əməkdaşını öldürməkdə təqsirləndirilən Rövşən Həsənovun cinayət işi üzrə məhkəmə prosesi davam etdirilib. “Qafqazinfo”nun verdiyi xəbərə görə, hakim Əhməd Quliyevin sədrliyi ilə keçirilən prosesdə istintaq tamamlanıb. Dövlət ittihamçısına çıxış üçün söz verilib. Prokuror çıxışa hazır olmadığını bildirib və vaxt istəyib. Məhkəmə prosesi mayın 24-də davam etdiriləcək. Növbəti iclasda dövlət ittihamçısı təqsirləndirilən şəxsə cəza istəyəcək. Məhkəmə prosesi qapalı keçirilib.

Qeyd edək ki, ötən ilin avqustun 28-də Nizami rayonu, Məhsəti küçəsində yerləşən “Şuşa” restoranında Bakı şəhər sakini, 1982-ci il təvəllüdlü Rövşən Həsənov aralarında yaranan münaqişə zəminində tanışı, 1975-ci il təvəllüdlü Nadir İbrahimovu tapançadan atəş açmaqla öldürüb. Daha sonra Rövşən Həsənov idarə etdiyi “Lexus” markalı 90 SF 333 dövlət nömrə nişanlı avtomobillə hadisə yerindən qaçıb. Bu zaman o, idarə etdiyi maşını Rəşad Məmmədovun idarə etdiyi “Toyota” markalı avtomobilə çırpıb. Nəticədə Rəşad Məmmədov xəsarətlə xəstəxanaya yerləşdirilib. Hadisəni törədən Rövşən Həsənov saxlanılıb. Qətlə yetirilən Nadir İbrahimov keçmiş polis əməkdaşı olub. Saxlanılan Rövşən Həsənovun üzərindən “Makarov” tipli tapança götürülüb. Məlum olub ki, Rövşən Həsənov Nadir İbrahimovu qız üstündə güllələyib. “Şuşa” kafesində Rövşən Həsənovla bərabər olan qadının mobil telefonuna zəng gəlib. Telefonu Rövşən Həsənov açıb. Kişi səsi eşidən Rövşən Həsənov qəzəblənib və kimin zəng etdiyi ilə maraqlanıb. Bundan sonra o, Nadir İbrahimovu söhbətə çağırıb. Nadir İbrahimov isə “Şuşa” restoranında olduğunu bildirib və onu gözlədiyini deyib. Üzərində silah olan Rövşən Həsənov Nadir İbrahimovun olduğu otağa girib və onu güllələyib. Bildirilir ki, Rövşən Həsənov bütün “darağı” Nadir İbrahimovun bədəninin müxtəlif nahiyələrinə boşaldıb. Təqsirləndirilən Rövşən Həsənov Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinin Məhkəmə-kimya şöbəsinin rəisi Qalib Həsənovun oğludur.

Hadisədən sonra Q.Həsənovun vəzifəsindən çıxarılması haqda məlumat yayılıb.

24saat.org

24saat.org
Loading...

“Məmurlardan öncə millət vəkillərinin özlərini ixtisara salmaq lazımdır”

Sonrakı Yazı »

Bakıda çoxmərtəbəli yaşayış binasında yanğın olub

%d bloqqer bunu bəyənir: