Loading...
AZƏRBAYCANCA   РУССКИЙ
Loading...
63294

Bakıya gələn prezidenti deviririlər

Parlament Nicolas Maduronun mühakimə olunmasına səs verib

Müxalifətin çoxluğa malik olduğu Venesuela parlamenti konstitusiyanı pozduğuna görə prezident Nicolas Maduronun mühakimə olunmasına səs verib. Ötən həftə cənab Maduronu vəzifəsindən kənarlaşdırmaq üçün keçirilməli olan referendum ləğv olunmuş, prezidentin özü isə Azərbaycan da daxil, Avrasiya səfər turuna çıxmışdı. Lakin hökumət bildirib ki, parlament səsverməsinin heç bir mənası yoxdur, çünki bundan əvvəl keçirilmiş məhkəmə parlamentin özünün qeyri-legitim olması barədə hökm çıxarıb. Prezident Maduro millət vəkillərini ‘çevriliş’ cəhdində ittiham edib.
Xəbər verilir ki, bu səsvermədən əvvəl iqtidar və müxalifət böhran danışıqlarına başlamaq barədə razılığa gəlmişdilər. Müxalifət Maduronun mühakimə edilmək üçün bir həftə ərzində parlamentə gəlməsini tələb edib.

Ali Məhkəmənin hökmündə deyilirdi ki, referendum keçirilməsi üçün səslərin pulla alınmasında ititham edilən üç millət vəkili mandatlarından imtina edənədək parlament qeyri-qanuni hesab olunacaq. Bununla belə müxbirlər bildirirlər ki, Maduroya qarşı hər hansı bir tədbir indi real görünmür.

Digər tərəfdən Maduro müxalifəti xarici qüvvələrə, ilk növbədə ABŞ-a qulluq etməkə ittiham edib. Müxalifət, keçmiş avtobus sürücüsü Maduronu Venesuelada yaranmış acınacaqlı vəziyyətə görə ittiham edir. Neft qiymətlərinin kəskin düşməsi əsas gəlir mənbəyini neft təşkil edən Venesuelada kəskin ərzaq çatışmazlığına səbəb olub. Bəzi günlər mağazalarda hətta çörəyin tapılmadığı deyilir. Bir çox təhlilçilər yazırlar ki, Maduro ümidini ‘neft qiymətlərini qaldıracaq möcüzəyə’ bağlayıb. (azadlıq.org)

24saat.org
Loading...

Kazinoda 334 min udan azərbaycanlı nazir müavinin oğlu imiş

Sonrakı Yazı »

Davud Güloğlu azadlıqdan məhrum oluna bilər

Şərh yaz

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

%d bloqqer bunu bəyənir: