Loading...
AZƏRBAYCANCA   РУССКИЙ
Loading...

Bakıda 18 məktəb direktoru və 4 müavin işdən çıxarıldı

Bakı şəhəri üzrə Təhsil İdarəsinin tabeliyində olan ümumtəhsil məktəblərində təlim-təbiyə prosesinin təşkili ilə əlaqədar müxtəlif istiqamətlər üzrə aparılan araşdırmalar və nəzarət tədbirləri nəticəsində aşkar olunan qanun pozuntusu faktları ilə əlaqədar 18 məktəb direktoru, 4 direktor müavini və 3 müəllim tutduqları vəzifədən azad edilib.

APA xəbər verir ki, ötən tədris ili ərzində əmək funksiyalarını keyfiyyətsiz yerinə yetirdiyinə görə ümumilikdə 27 direktor və 39 direktor müavini, o cümlədən 63 müəllim intizam məsuliyyətinə cəlb olunub, 34 direktor xəbərdarlıq alıb.

BŞTİ-nin müvafiq əmri ilə 2 fevral – 26 may tarixlərində 16 ümumtəhsil müəssisəsində əhatəli inspeksiya aparılıb. Aparılan inspeksiya nəticəsində aşkar olunmuş qanun pozuntuları faktları ilə əlaqədar 13 məktəb direktoru, 1 direktor müavini tutduqları vəzifədən azad edilib, 1 məktəbin direktoru ilə bağlanılmış əmək müqaviləsinin ləğv edilməsinə münasibət bildirilməsi barədə təqdimat Azərbaycan Təhsil İşçiləri Azad Həmkarlar İttifaqı Respublika Komitəsinə göndərilib. Eyni zamanda 2 məktəb direktoru və 27 direktor müavini intizam məsuliyyətinə cəlb edilib.

Ümumtəhsil müəssisələrində aparılmış araşdırmalar nəticəsində aşkar olunmuş hüquq pozuntularının aradan qaldırılması istiqamətində idarə tərəfindən müvafiq tapşırıqlar verilib və onların icrası nəzarətə götürülüb.

1 sentyabr 2015 – 1 sentyabr 2016-cı il tarixləri ərzində Bakı Şəhəri üzrə Təhsil İdarəsinin tabeliyində olan təhsil müəssisələrində korrupsiya və digər qanun pozuntuları ilə mübarizə istiqamətində müvafiq tədbirlər görülüb. Hesabat ilində BŞTİ-nin tabeliyində olan ümumtəhsil müəssisələrində müxtəlif məqsədlərlə pul yığımlarının aparılması, bayram və tətil ərəfələrində şagirdlərin, həmçinin yuxarı sinif şagirdlərinin davamiyyətinin kəskin zəifləməsi ilə bağlı məsələlərin ciddi nəzarətə götürülməsi və “Təhsil haqqında” qanunun, digər normativ aktların tələblərinin icrasına nəzarətin gücləndirilməsi məqsədilə məktəb rəhbərlərinə mütəmadi olaraq tapşırıqlar verilərək bu barədə müvafiq xəbərdarlıq məktubları göndərilib.

Bakı Şəhəri üzrə Təhsil İdarəsinin tabeliyində olan təhsil müəssisələrinin rəhbərləri ilə məktəblərdə neqativ halların qarşısının alınması istiqamətində mütəmadi olaraq profilaktik söhbətlər aparılır və təlimatlandırıcı tövsiyələr verilir. Yeni tədris ilində bu istiqamətdə fəaliyyəti davam etdiriləcək.

24saat.org
Loading...

Deputatdan əcayib təklif: Suyun qiyməti qaldırılsın

Sonrakı Yazı »

I qrup əlillər ali təhsil haqqının ödənişindən azad edilə bilər

%d bloqqer bunu bəyənir: