Loading...
Loading...

Bağlanan bankların əmanətçilərinə kompensasiyaların yarıdan çoxu ödənilib

Avqustun 1-dən başlayaraq Əmanətlərin Sığortalanması Fondu “Dekabank” ASC, “Kredobank” ASC, “Parabank” ASC və “Zaminbank” ASC-nin qorunan əmanətçilərinə kompensasiya ödənişinə başlayıb.

Əmanətlərin Sığortalanması Fondundan verilən məlumatda deyilir ki, avqustun 19-da “Parabank” ASC-nin qorunan əmanətçilərinə 19,5 milyon manat, “Zaminbank” ASC-nin qorunan əmanətçilərinə 28,8 milyon manat, “Kredobank” ASC-nin qorunan əmanətçilərinə 5,8 milyon manat və “Dekabank” ASC-nin qorunan əmanətçilərinə isə 2,3 milyon manatdan artıq kompensasiya ödənilib. Ümumilikdə 4 bank üzrə 56,4 milyon manatdan artıq kompensasiya ödənilib.

Fond məlumat üçün bildirir ki, 01 mart 2016-cı il tarixdə qüvvəyə minən “Əmanətlərin tam sığortalanması haqqında” Azərbaycan Respublikasının Qanununun 3-cü maddəsinə əsasən Əmanətlərin Sığortalanması Fondunun Himayəçilik Şurası tərəfindən əmanətlər üzrə müəyyən edilmiş və 2 mart 2016-cı il tarixdən qorunan əmanətlər üçün qüvvəyə minmiş maksimal illik faiz dərəcəsi- milli valyuta üzrə 12%, xarici valyuta üzrə 3 % həddində olan Fondun iştirakçı banklardakı bütün qorunan əmanətlər məbləğindən asılı olmayaraq 3 (üç) il müddətində tam sığortalanır.

2 mart 2016-cı il tarixdən əvvəl illik 12 %-ə qədər xarici valyutada yerləşdirilən əmanətlər üzrə hərbir qorunan əmanətçiyə 100 faiz həcmində, lakin 30 min manatdan çox olmamaq şərti ilə kompensasiya ödəniləcək.

Əmanətçilər onlara lazım olan məlumatları Əmanətlərin Sığortalanması Fondunun rəsmi veb səhifəsindən : www.adif.az əldə edə bilər, Fondla 941 saylı qaynar xətt, və ya 596 65 91/92 nömrələri vasitəsilə əlaqə yarada bilərlər.

24saat.org

“Azərbaycan Suriyaya qoşun göndərə bilər”

Sonrakı Yazı »

Neft kəskin ucuzlaşdı

Loading...
%d bloqqer bunu bəyənir: