Loading...
AZƏRBAYCANCA   РУССКИЙ
Loading...

Bağlanan 4 bankın əmanətçilərinə 20 milyon verildi

Lisenziyası ləğv edilən “Parabank” ASC-nin qorunan əmanətçilərinə 8,1 milyon manat, “Zaminbank” ASC-nin qorunan əmanətçilərinə 9,1 milyon manat, “Kredobank” ASC-nin qorunan əmanətçilərinə 2,2 milyon manat və “Dekabank” ASC-nin qorunan əmanətçilərinə isə 1,4 milyon manatdan çox kompensasiya ödənilib.

 

Əmanətlərin Sığortalanması Fondundan verilən məlumata görə,  ümumilikdə 4 bank üzrə 20,9 milyon manatdan çox kompensasiya ödənilib.

 

Qeyd edək ki, avqustun 1-dən etibarən Əmanətlərin Sığortalanması Fondu bağlanan 4 bankın qorunan əmanətçilərinə kompensasiya ödənişinə başlayıb.

 

İyulun 25-də sığorta hadisəsi baş vermiş “Dekabank” ASC, “Kredobank” ASC və “Zaminbank” ASC-nin qorunan əmanətçiləri kompensasiyaların ödənilməsi üçün müvafiq olaraq “Dekabank” ASC, “Kredobank” ASC və “Zaminbank” ASC-nin baş ofisinə, “Parabank” ASC-nin qorunan əmanətçiləri isə müqavilə bağladıqları filiala müraciət edərək öz əmanətlərini geri ala bilərlər.

 

Qorunan əmanətçilərin kompensasiya almaq üçün ərizə formalarını avqustun 1-dən etibarən sığorta hadisəsi baş vermiş “Dekabank” ASC, “Kredobank” ASC, “Parabank” ASC və “Zaminbank” ASC-nin filiallarından, Əmanətlərin Sığortalanması Fondunun Bakı şəhəri, Bülbül prospekti 40 ünvanında yerləşən ofisindən və Fondun rəsmi internet səhifəsi olan www.adif.az saytından əldə etmələri mümkündür.

24saat.org
Loading...

YAP büdəcəyə 720 milyon manat bağışlaya bilər – niyə etmir?

Sonrakı Yazı »

Elman Rüstəmovdan banklarla bağlı yeni qərar

%d bloqqer bunu bəyənir: