Loading...
AZƏRBAYCANCA   РУССКИЙ
Loading...

Azərbaycanın tanınmış müğənnisinin ürəyi dayandı

Müğənni Mirkamil Kamilov keçirdiyi ağır əməliyyatdan danışıb.

Cümhuriyyət.az axşam.az-a istinadən xəbər verir ki, ifaçı “ATV maqazin onlarla” verilişində çətin anlar yaşadığını deyib:

“Ürək o qədər zərbələr görüb ki… İndi oturub hiss edirəm ki, ürəyimdə nə qədər çat var. Əməliyyatdan əvvəl gecənin bir anı yuxuda tullanırdım, sonra ürəyimdə ağrılar başladı, sol tərəfim keyiyirdi. Bir dəfə elə güclü ağrıyırdım ki, qışqırdım “Allah hardasan, götür bu ağrını”. Bir gün Ramal İsrafilov, anası və mən oturmuşduq. Dedilər ki, İrana gedirik. Mən də onlarla getdim, həkim müayinəsindən keçdim. Əməliyyat məsləhət gördülər. Ürəyin dayanması problemim var idi. Qonorar tapıldı, problemlər həll olundu və əməliyyata girdim. Aybəniz Haşımova qızı ilə Tehrana yanıma gəldilər. Ürək əməliyyatına narkozsuz girdim. Əməliyyat sırasında iki-üç dəfə yerimdən tullandım. Qışqırırdım, tuturdular, ürəyimin içinə simlər salırdılar. Dünyada bundan ağır ağrı yoxdur. Əməliyyat vaxtı ürəyim dayandı, gözlərim qaraldı. Həkimlər məni güclə qaytardı”.

M.Kamilov əməliyyatdan əvvəl gördüyü yuxulardan bəhs edib:

“Əməliyyatdan əvvəl yuxuda gördüm ki, qəbrin içində uzanmışam. Yalvarıram ki, Allahım mən cavanam, buradan məni qurtar. Məni qəbirdən dartıb çıxarırlar. Bir dəfə isə gördüm ki, hər yerimi sarıyıblar, uşaq ağlaya-ağlaya dua oxuyur. O duanı oxuyandan sonra yuxudan durdum”.

24saat.org
Loading...

Tanınmış blogger Mehman Hüseynov yeni statusu ilə yenə məmurlara meydan oxudu

Sonrakı Yazı »

Yaralı Ağdam sakini Bakıya gətirilir – FOTOLAR

%d bloqqer bunu bəyənir: