Loading...
AZƏRBAYCANCA   РУССКИЙ
Loading...
106854

Azərbaycanda qarlı havada tırtıllı təcili yardım fəaliyyət göstərəcək

Bakı Şəhər Təcili və Təxirəsalınmaz Tibbi Yardım Stansiyası qışda qarlı hava şəraitində çağırışlara vaxtında yetişmək üçün xüsusi təcili və təxirəsalınmaz tibbi yardım avtomobillərindən istifadə edəcək.

Moderator.az xəbər verir ki, bu barədə Bakı Şəhər Təcili və Təxirəsalınmaz Tibbi Yardım Stansiyasının baş həkimi Rauf Nağıyev movqe.az-a məlumat verib.
R.Nağıyev hazırkı hava şəraiti ilə bağlı təcili yardıma çağırışların artmadığını söyləyib: “Hələki yollarımızda vəziyyət normaldır. Ona görə də sürüşərkən xəsarət alma ilə bağlı müraciət daxil olmayıb. Amma biz hər zamankı kimi gücləndirilmiş iş rejimində çalışırıq.
Bakı Şəhər Təcili və Təxirəsalınmaz Tibbi Yardım Stansiyasının hətta qar örtüyü 40 sm-ı keçdikdə belə çağırışlara vaxtında yetişməsi üçün xüsusi avtomobilləri var. Onlardan 3-ü ehtiyat saxlanılır. Xüsusi nəqliyyat vasitələri tırtıllı olduğundan, xüsusi başmaqlarla təhciz olunduğundan 40 sm-dən artıq qalınlıqa qarda hərəkət etmək imkanına malikdir. Bundan əlavə stansiyalara hər iki oxu çəkən avtomobillər paylanılıb ki, qarlı, buzlu yollarda rahatlıqla ucqar nöqtələrdə çağırışa vaxtında yetişmək imkanına malikdir. Gündəlik çağırışlara yollanan təcili tibbi yardım avtomobillərimiz də müasir avtomobillərdir. Bakı Şəhər Təcili və Təxirəsalınmaz Tibbi Yardım Stansiyası qışa tam hazır vəziyyətdədir”.

24saat.org
Loading...

Deputatdan əcayib təklif: Suyun qiyməti qaldırılsın

Sonrakı Yazı »

DTX Gəncədə əməliyyat keçirdi- HƏBSLƏR VAR

Şərh yaz

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

%d bloqqer bunu bəyənir: