Loading...
AZƏRBAYCANCA   РУССКИЙ
Loading...
53d57141-bcec-4c9a-9f40-faff79ef9fdb_cx0_cy3_cw0_w987_r1_s_r1

ANS binadan çıxarılır

ANS Azərbaycan Milli Elmlər Akademiyasının Zoologiya İnstitutunun binasından çıxarılır.

Zoologiya İnstitutunun direktoru Elman Yusifov «Amerikanın Səsi»nə bildirib ki, ANS icarə müqaviləsini Əmlak Məsələləri Dövlət Komitəsi ilə bağlayıb.

«Müqavilənin vaxtı bitdiyindən ANS-lə yeni müqavilə bağlanmayıb. Binada ANS-in yerləşdiyi sahələr artıq Zoologiya İnstitutuna qaytarılmasına start verilib. Təhvil-təslim komissiyası fəaliyyət göstərir. Sadəcə ANS-in rəhbərliyi texniki avadanlıqları, maşın və mexanizmləri ərazidən çıxarmaq üçün vaxt verilməsini xahiş edib. Onlar yeni ofis icarəyə götürən kimi avadanlıqların boşaldılmasına başlanılacaq», – o qeyd edib.

Məsələyə, hələlik, ANS rəhbərliyindən münasibət almaq mümkün olmayıb.

Milli Televiziya və Radio Şurası (MTRŞ) bu il iyulun 18-də «ANS Müstəqil Yayım və Media» Şirkətinin yayımının dayandırılması barədə qərar qəbul edib.

İyulun 29-da da Bakı Apellyasiya Məhkəməsində Ülvi Mayılovun sədrlik etdiyi hakimlər kollegiyası da bu barədə qərar çıxarıb.

MTRŞ öz qərarını Türkiyə ilə Azərbaycan arasında strateji tərəfdaşlıq münasibətlərinin pozulmasına yönəlmiş təxribatın qarşısını almaq, açıq şəkildə terrorizmin təbliğatına yol verməmək məqsədilə Azərbaycan Baş Prokurorluğunun müraciətinə əsasən qəbul etdiyini bildirib.

MTRŞ həmçinin, ANS-ÇM radiosunun lisenziyasını ləğv edib.

Bütün bunlar bu il iyunun 15-də Türkiyədə dövlət çevrilişinə cəhd zamanı ANS-in hadisələri işıqlandırması və televiziyanın müxbirinin Ankaranın dövlət çevrilişini təşkil etməkdə günahlandırdığı Fethullah Gülen-in mətbuat konfransında iştirakından sonra baş verib.

ANS rəhbərliyi isə həmin hadisələrdən sonra üzr istəsə də, məhkəmə müstəvisində bu qərarla mübarizəyə başlayıb. Ancaq ANS, hələ ki, yerli məhkəmələrdə bir-birinin ardınca uduzmaqda davam edir.

Azərbaycanın ilk müstəqil televiziyası olan ANS 1991-ci il noyabrın 26-dan fəaliyyət göstərirdi.

24saat.org
Loading...

Deputatdan əcayib təklif: Suyun qiyməti qaldırılsın

Sonrakı Yazı »

Baş direktor MMC-ləri necə qalib edib – “Rabitə işi”

Şərh yaz

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

%d bloqqer bunu bəyənir: