Loading...
Loading...

ABŞ üçün terror təşkilatı strateji müttəfiqdən niyə önəmlidir?

Zərdüşt Əlizadə: “Nə ABŞ-a sərf edirsə, onu da müdafiə edir”

Türkiyənin Suriyada həyata keçridiyi anti-terror əməliyyatları çərçivəsində türk ordusunun sadəcə İŞİD-i deyil, həm də PYD-ni hədəf alması ABŞ-ın ciddi narazılığına səbəb olub. Məhz bu səbəbdən də Pentaqon Türkiyədən dərhal hərbi əməliyyatları dayandırmağı tələb edib.

Maraqlıdır, ABŞ-ın PYD-ni müdafiə etməsi nə ilə bağlıdır? Niyə Pentaqon öz strateji müttəfiqini deyil, hansısa terror təşkilatını müdafiə edir?

Moderator.az-a açıqlama verən politoloq Zərdüşt Əlizadə məsələ ilə bağlı maraqlı fikirlər səsləndirib:

“Məsələ bundadır ki, ABŞ hər zaman onun maraqlarına cavab verən hərəkat və təşkilatları dəstəkləyib, onları müdafiə edib. Yəni nə ki, ABŞ-ın marağına cavab verir, ABŞ elan edir ki, o düzdür və demokratikdir. Nə ki, ABŞ-ın marağına cavab vermir, ABŞ onun səhv və anti-demokratik olduğunu bəyan edir. 80-ci illərin sonlarında erməni millətçiləri baş qaldıranda ABŞ bu hərəkatı müdafiə edirdi. Çünki bu hərəkat mahiyyət etibari ilə SSRİ-ni dağıdırdı. Hətta Ermənistanda yaşayan azərbaycanlılar deportasiya olunanda ABŞ Qorbaçovdan ermənilərin müdafiəsini xahiş etmişdi. Bu gün də PKK və PYD-nin mövcudluğu ABŞ-ın marağına cavab verir. Ona görə də Türkiyənin PYD-yə zərbə vurması onu narahat edir.

Doğrudur, Türkiyə ABŞ-la müttəfiqdir və öz siyasətində bunu nəzərə alır. Lakin Türkiyə üçün daha önəmli olan Türkiyənin öz maraqlarıdır və Türkiyə bu maraqları müdafiə etməyə qadir olan bir dövlətdir”.

 

24saat.org

“Azərbaycan Suriyaya qoşun göndərə bilər”

Sonrakı Yazı »

Sentyabrın 5-dək bütün dərsliklər şagirdlərə paylanacaq

Loading...
%d bloqqer bunu bəyənir: