20 yaşlı gənc həbs olunmaq üçün oğurluq etdi – Bakıda şok olay


Bakıda avtomobillərdən oğurluq edən şəxs saxlanılıb.

20 yaşlı gənc paytaxtətrafı kənd və qəsəbələrdə müxtəlif markalı avtomobillərdən akkumulyator oğurladığını etiraf edib.
Məlumata görə, hadisəni törədən Sabirabad rayon sakini 20 yaşlı Fərid Nəsirli Xəzər Rayon Polis İdarəsinə (RPİ) aparılıb. O istintaqa ifadəsində bildirib ki, son bir ay ərzində Xəzər rayonunun Talışlar məhəlləsi, Südçülük sovxozu, Mərdəkan qəsəbəsindən əsasən “VAZ 2106” , “VAZ 2107” markalı avtomobillərə məxsus 8 ədəd akkumulyator oğurlayıb. F.Nəsirli qarət zamanı yalnız dəmir parçasından istifadə edib. Əvvəllər iki dəfə məhkum olunan gənc istintaqa ifadəsində əvvəlki məhkumluq müddətində tam islah olunmadığını deyib. Buna görə də o, “tam islah olunmaq” üçün 5 və ya 6 il həbsdə qalmaq istədiyini söyləyib: “Məhz buna görə də oğurluq əməllərini törətdim. Oğurluqlar etdim ki, azı beş il həbs cəzası alıb “içəridə” islah olunum”, – deyə, Nəsirli istintaqa ifadəsində əlavə edib.
Qeyd edək ki, F.Nəsirlinin anası xərçəng xəsətəliyindən əziyyət çəkdiyi üçün Türkiyədə müalicə olunur. Atası isə Rusiya Federasiyasında yaşayır. F.Nəsirlinin ailəsi ondan oğurluq əməlləri törətdiyi üçün üz döndərib.(Report.az)

Paylaş:

YAP-ın yeni qərargahı 1 manatlıq narazılığa səbəb olub

Sonrakı Yazı »

“Həkim gəlinlə qaynana yeni doğulan körpəni şikəst etdi, anasını isə…” – LƏNKƏRANDA

Bir cavab yazın

%d bloqqer bunu bəyənir: