Loading...
AZƏRBAYCANCA   РУССКИЙ
Loading...

2 milyard dollar ABŞ-la İranı üz-üzə qoydu: “Bu, açıq-aşkar oğurluqdur!”

İran hökuməti 2 milyard dollara yaxın dəyəri olan aktivlərinin ABŞ-da dondurulmasına sərt təpki verib.

Strateq.az xarici mətbuata istinadən xəbər verir ki, İran xarici işlər nazirinin müavini Hüseyn Ənsari Caber bunu açıq-aşkar oğurluq adlandırıb: «Bu tamamilə yolverilməzdir, İran pullarının oğurlanmasıdır. Biz bu addımı sərt şəkildə qınayırıq».

Xatırladaq ki, ABŞ Ali Məhkəməsinin qərarı ilə sözügedən məbləğ 1983-cü ildə Livanda həyatını itirən Amerika dəniz piyadalarının ailələrinə ayrılacaq. ABŞ onların qətlində İranı ittiham edir.

Aprelin 20-də Ali Məhkəmə ABŞ Konqresinin 2012-ci ildə qəbul etdiyi qərarı dəstəkləyib. Həmin qərar məlum tip kompensasiyaların İranın dondurulmuş aktivləri hesabına ödənilməsini nəzərdə tutur.

1983-cü ildə Beyrutda həyatını itirən 241 dəniz piyadasının ailəsinə ümumilikdə 2,5 milyard dollar kompensasiya ödənməlidir.

24saat.org
Loading...

Deputatdan əcayib təklif: Suyun qiyməti qaldırılsın

Sonrakı Yazı »

İran Qarabağ münaqişəsinin siyasi yolla həllini zəruri sayır – Açıqlama

%d bloqqer bunu bəyənir: