Loading...
AZƏRBAYCANCA   РУССКИЙ
Loading...

1 milyon dollar rüşvətlə bağlı iş yenidən məhkəmədə

Dünən Bakı Apellyasiya Məhkəməsində baş nazirin müavini Elçin Əfəndiyevin sabiq Vaqif Əbdülhüseyn oğlu Hüseynin cəzasının çəkilməmiş hissəsindən vaxtından əvvəl şərti azad edilməsi barədə qərardan verilən apellyasiya protesti üzrə məhkəmə iclası davam etdirilib. Proses hakim Əmir Bayramovun sədrliyi ilə keçirilib. Fəaliyyəti dayandırılmış Azərbaycan Beynəlxalq Universitetinin (ABU) rektoru Elşad Abdullayevin qardaşı Mahir Abdullayevin işində adı hallanan V.Hüseyn məhkəməyə əlil arabası ilə gətirilib. Məhkəmə iclasında V.Hüseynin səhhətinin ağır olduğu məlum olub. Proses sentyabrın 20-də davam etdiriləcək.

V.Hüseyn 2013-cü ilin may ayında isə Bakı Ağır Cinayətlər Məhkəməsinin hökmü ilə  4 il müddətinə azadlıqdan məhrum edilib. Nizami Rayon Məhkəməsində V.Hüseynin cəzasının çəkilməmiş hissəsindən vaxtından əvvəl şərti azad edilməsi barədə verdiyi ərizəyə baxılıb. Məhkəmə onun ərizəsini təmin edib. O, cəzasının çəkilməmiş hissəsindən vaxtından əvvəl şərti azadlığa buraxılıb. Qərardan narazı qalan dövlət ittihamçısı apellyasiya protesti verib.
İttihama görə, M.Abdullayevin itkin düşməsi və digər faktlarla bağlı Baş Prokurorluqda istintaq olunan cinayət işi üzrə baş prokuror yanında yaradılmış istintaq-əməliyyat qrupu tərəfindən zəruri istintaq-əməliyyat tədbirləri zamanı müəyyən edilib ki, ABU-nun sabiq rektoru E.Abdullayevin həmin universitetin fəaliyyətində aşkarlanmış nöqsanlara görə 2010-2011-ci tədris ili üçün tələbə qəbulu planını qanuni yolla əldə edə bilməyəcəyini güman etməsi səbəbindən universitetin fəaliyyətinin davam etdirilməsinə qanunsuz yollarla nail olmaq niyyətində olduğunu və rüşvət vermədə vasitəçi axtardığını bilən yaxın ünsiyyətdə olduğu baş nazirin müavininin sabiq köməkçisi V.Hüseyn E.Abdullayevin rüşvət kimi vermək istədiyi pul vəsaitini ələ keçirmək məqsədilə öz qulluq mövqeyindən istifadə edib. O, E.Abdullayevi inandıraraq, etibarından sui-istifadə etməklə və aldatmaqla ondan 2009-cu ilin avqust-oktyabr aylarında 1 milyon ABŞ dolları məbləğində nağd pulu hissə-hissə alıb ələ keçirərək dələduzluq edib.
V.Hüseyn cinayəti törədəndən sonra E.Abdullayevin ona qarşı edilən təzyiqlər nəticəsində sonuncuya vətəndaşlar Ənvər Əhmədovun, Əyyub Əzizovun və qeyrilərinin iştirakı ilə 2010-cu ilin aprelində ümumilikdə 600 min ABŞ dolları məbləğində pulu nağd şəkildə qaytarıb, 19 avqust 2011-ci il tarixdə isə Kipr Türk Respublikasında yaşayan oğlu Rəşad Hüseynə məxsus 465 min ABŞ dolları dəyərində ticarət obyektini E.Abdullayevin qardaşı İsmayıl Abdullayev və bacısı oğlu Azad Mürsəliyevin iştirakı ilə E.Abdullayevin adına rəsmiləşdirib.
İstintaqla həmçinin müəyyən edilib ki, E.Abdullayev 1 milyon ABŞ dolları məbləğində pul vəsaitini V.Hüseynə məhz rüşvət kimi müvafiq vəzifəli şəxsə çatdırılması məqsədilə verib, bununla belə sonuncu dələduzluq yolu ilə həmin vəsaiti ələ keçirtdiyinə görə E.Abdullayev iradəsindən asılı olmayan səbəblərdən rüşvət vermə cinayətini başa çatdıra bilməyib.
Bu əməllə bağlı ona Cinayət Məcəlləsinin 178.3.2-ci (dələduzluq, külli miqdarda ziyan vurmaqla törədildikdə) maddəsi ilə ittiham verilib və təqsirli bilinib.

24saat.org
Loading...

Rusiyanın Azərbaycanlı Gənclər Birliyinin tədbirində Azərbaycana qarşı hörmətsizlik – VİDEO

Sonrakı Yazı »

Gəncədə divar uçqunu – Ölən və yaralanan var

%d bloqqer bunu bəyənir: