Now Reading:
Əli Laricani: “İranda Rusiyanın hərbi bazası yoxdur”
Full Article 50 second read

Əli Laricani: “İranda Rusiyanın hərbi bazası yoxdur”



“İran İslam Respublikası heç bir hərbi bazasını Rusiyanın sərəncamına verməyib”.

İRNA xəbər verir ki, bunu İran parlamentinin sədri Əli Laricani ölkənin İslamabad-e-Qərb şəhərini təmsil edən deputat Heşmətullah Falahatpişenin müvafiq sualına cavabında bildirib.

Deputat bildirib ki, ölkə konstitusiyasının 146-cı maddəsinə əsasən, hətta dinc məqsədlərlə belə xarici dövlətlərə İranın hərbi bazasından istifadə qadağandır.

Qeyd edək ki, avqustun 16-da Rusiyanın “Tu-22M3” və “Su-34” bombardmançı təyyarələri İranın Həmədan bölgəsində hərbi aerodromundan qalxaraq, Suriyanın üç əyalətində terrorçu İŞİD qruplaşması və “Cebhat-ən-Nusra”nın mövqelərinə zərbə endiriblər.

İran Ali Təhlükəsizlik Şurasının katibi Əli Şəmxani isə Suriyada terrorçuluğa qarşı mübarizə aparmaq üçün şuranın infrastrukturunu Rusiyanın istifadəsinə verəcəyini söyləmişdi. Onun sözlərinə görə, Suriyada terrorçuluğa qarşı mübarizə aparmaq üçün Moskva ilə Tehran arasında strateji tərəfdaşlıq anlaşması mövcuddur. Katib bu tədbirin həmin razılaşma çərçivəsində reallaşacağını bildirmişdi.

Bir cavab yazın

24SAAT.ORG Xəbər Saytı
Azərbaycan və Dünyadan Xəbərlər
[mc4wp_form id=""]
Input your search keywords and press Enter.
%d bloqqer bunu bəyənir: